ROMMEI 12:17 - KARANU KABI SAMTAM

¹⁷ Meigo kado kashyii jangpii kashyii tei rui kalei sulo, meihang mik doito kabi tha jangpii reipii swi masaklo.

ROMMEI 12:17 Referans Kwoze

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

METIU 5:39

Nlenii Inii gonyii dakii tamleile, gonyiigo tiikama meigo kum-fii sulo, mei kata hangninanii gonyiigo beeng ajiilam kaphyii leponii, beeng abilam pang teido ahgo kaphyii matulo.

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

ROMMEI 12:19

Lungkasyiimei, gonyii karapii apow karuisulo, nlenii Saraa mah rakarhii kiteikii kaidek ailo; kadaponii aitiisii ryiibam takle; “Pow ruitang karam teinii gumahle; Inii ruitangle, Abangpiinii tamle.”

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

1 THESOLONIKAMEI 5:22

kashyii jai hang kiteito ryii wolo.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

KOLOSIMEI 4:5

Gonyiinii tinglang kabi kadouta tei jum matousii, sabato kaleimei dateito gonyiinii sakaisii tatlo.

ROMMEI 14:16

Gonyiimah kabi gotei tam mashyii matusulo.

1 TIMOTHI 5:14

Teipiinii nyiigo ngou karoumeinii nyiigo tam mashyii tang karam jangpii bam pyii kasu tiisii, pumzai lamto karanu kamipwimei hangteinii kalakna katii, athiinaa kalung, sateichii ahnyii ki kalung mpung go ju kamatou tei Inii mareile.

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

METIU 5:24

pyiitoi tang karam pot tei kakhatbam doiteikii kaibamsanii, maasii gosanapiigo kakubi reiwolo, sateichii teito gongsii gomah pyiitoi tang karam pot tei pyiilo.