ROMMEI 12:11 - KARANU KABI SAMTAM

¹¹ Tha teisii tiilo sateichii mahatshyii sulo, lung matum madum pyiisii Saraa nga ngalo;

ROMMEI 12:11 Referans Kwoze

TIILAMLWI KAPYIIMEI THA JUKAMATI 18:25

Sapfii mpou aigo Saraa mah pwidi kito tampyii ralipyii bamtakle sateichii mpounii lungnhii gatsii Jisu mah kaang kito kidosu nkangdo supiinii tiigatpii ralipyiile, teitii kado mpounii Jon-nii dwi mpum kapyii teiroinii tile.

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

HEBRUMEI 12:28

Teijangpii tii nlaipei kalak sagong sazyii hangninii doukalu jangpii hakalang tamsii, nyiinii sadzyii ngariit katii ninado kahing tei njasii Saraa dakii lukai kamajyii kamata tei pyiitoide;

IPISAMEI 4:28

Ragasii kalei ahteinii ragaloi matu sulo, nlenii tei tungpii ah mah bahpiinii tha kabi tei tiisii, mah kagameigo sei kabui tiisii mpoumah mah bam tang karam jangpii tha tiimatulo.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

TIILAMLWI KAPYIIMEI THA JUKAMATI 20:19

Katunii, Inii hang- kapii lung manoisii, mikdwi kapat ninado Jehudimeinii n-gu makumpii jumtang karam kito n-gu ajai kaju kapat tei njasii Bangpii mah nga ngasii;

METIU 24:12

Sateichii kashyii kahong tei moibuibui katu jangpiinii mei hangka mah kalungsyii kalungset katu tei nkhiitu tangle.

1 TIMOTHI 5:13

Teiphyiiryiito ahnyiinii ki hangninii kito ki hangninii ki tatpat tatliitsii ahnyiimah tinglang tei mahatsii tiikakadak tei ralitule, sa- teichii kamahat teiroi supii, ahnyiinii tamlak tang karam sam tamsii, kasampei sateichii siiha kahapwi teido tiitule.

MATIMANGOU KAPYII 2:4

Nlenii go phyiiryiito mazhii kasu gumah sam ai leile; katunii nangnii gomah kareiki lungkasyii tei rat toi aitakle.

KOLOSIMEI 4:1

Apum mei sating gamto gonyiimahdo apumpii leile katu tei tisii, Gonyii kikaleimei dakii majyiisii sateichii bisii tiiseilo.

1 KORENMEI 7:22

Kadapokii ki kabang nah tiilei- bangpii Bangpiinii lat kalu ahteinii Bangpii mah arangra katiimeile, tei takumpii arangra katiimei hangninii tiisii lat kalumei teinii Krista mah ki kabangnahle.

METIU 25:26

“Nlenii mpou mah apumpii teinii mpougo khekalatle, ‘Kashyii ninado mahat kashyii kikaleipii! Inii lingkai kasu nito Inii rachetle, sateichii Inii lwi marou kasu nito Inii poi nkomle katu nang tipo?

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.