ROMMEI 12:10 - KARANU KABI SAMTAM

¹⁰ ki kalung mpung lungkasyii takumpii kangsanamei hangni hangninago kalungsyiilo; sateichii hangninanii hangniniigo adzyii roulo.

ROMMEI 12:10 Referans Kwoze

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

HEBRUMEI 13:1

Sung kating taikarhii mah kalungsyii katu tei taksupii leimatulo.

1 JON 4:11

Lungkasyiimei, Saraanii nyiigo aiziikii lungsyiipyii leponii, nyiiniido hangninanii hangniniigo kalung- syiijyiile.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

1 PITAR 2:17

Meihang go sadzyii ngariit tiilo, kangsanameigo lungsyiilo, Saraago hinglo sateichii sagong go sadzyii ngariit tiilo.

1 THESOLONIKAMEI 4:9

Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

1 JON 4:20

Mei kata kangkanii, “Inii Saraago lungsyiile” sii tam takpokii, kangsanapiigo ngourou leponii, ahnii kachuimeile. Kadapokii ngoukalu kangsanapiigo lungsyii kasu ah teinii mikpiinii ngoukasu Saraago lung- syiipei wolakle.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”

JONNII KARYII KABI RASAM JUKAMATI 15:17

Gonyii hangninanii hangniniigo kalungsyii matutang karam jangpii kakhatsam ai Inii gonyii dakii pyii leile.

ROMMEI 13:7

Pyii kamajyii meihang dakii pyiilo; aha pyii kamajyiimei dakii aha tei pyiilo, sazyii ha pyii kamajyiimei dakii sazyii ha tei pyiilo, adzyii-nrou kamajyiimeigo adzyii nroulo, sadzyii ngariit tiikamajyii meigo tei sadzyii ngariit tiilo.

TIILAMLWI KAPYIIMEI THA JUKAMATI 4:32

Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle.

LUKNII KARYII KABI RASAM JUKAMATI 14:10

Nlenii n-go meinii latchii, Nangnii kasana nasang bam kitei bamlo teipiinii n-go kalatpii teinii gongchii, ‘kangpo-o! kisii kasagoi bamki tei piseilo;’ sii tam tangle, aipiinii n-go lat magongsii bam kalei mei hang doito adzyii ka-nrou tei tiitangle.

METIU 20:26

Gonyii kak kitonii teitii lakle, nlenii gonyii kak kito kadi mikanyiimei hangteinii gonyii nga kangamei tiitang karamle;

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

KOLOSIMEI 1:4

daponii Krista Jisu dakii gonyiinii kamalum sateichii kamatei meihang dakii gonyiinii lungkasyii tei nyiinii shiitakle.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

JONNII KARYII KABI RASAM JUKAMATI 17:21

ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.