ROMMEI 11:7 - KARANU KABI SAMTAM

⁷ Teitii leponii kadapeipo? Isrel- meinii fiikalei tei dousutakle; nlenii kalai kalumei hangteinii teitei doutakle, nlenii masak kalei mei teinii lung teitakle;

ROMMEI 11:7 Referans Kwoze

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

ROMMEI 9:18

Teipiinii mpounii kamaning kamareimei hang go jumage pyiile, sateichii mpounii kamaning kamarei mei lungtei tiimatei pyiile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

ROMMEI 11:5

Teitakumpiinii aitoido jumage kapyiipii kalei kalu taiswisii masak kapyii njai hangninii leile.

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

2 KORENMEI 3:14

Ahnyiimah lungswi tei gomnei aitakle, sateichii sat tang karam karei samtam mah larekbung tei ahnyiinii fiitang karam kito njoi katu ju kasong peira teipii ahnyiimah lungswi tei tingnei katangpii gomnei wotakle. Ju kasongmah peira teinii mei hang- ninanii Krista dakii roinii nja kaleitainii poitoi wobuile.

ROMMEI 9:23

Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

PILIPIMEI 1:18

Teitii leponii kadapeipo? Nlenii mahlyii hang kito, jai katii kito kado, kasang kito kado, Kristamah kabi rasam tei tam ralipyiile, sateichii teito Inii ntale.

1 KORENMEI 10:19

Teitii leponii Inii kadapei tam leipo? Tingtu dakii pyiitoi kalei chiitak tei mah hang- niniile, mak-kii tingtu tei mah hangniniilesii Inii tampo?

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

ROMMEI 6:15

Teitii leponii kadapeipo? Nyiinii ajaitingshang kang nkang supiinii jumage kapyii mah kangto kabam jangpiinii nyiinii kem tiitangpo? Teisang teimakle!

ROMMEI 3:9

Teitiileponii kadapeipo? Nyii ai ahnyii doito kisii bipo? Makle, kaang gale; kadapokii Grikmeido, Jehudi- meido meihang kem kangto leilesii nyiinii ndouto mangou takle.

JONNII KARYII KABI RASAM JUKAMATI 12:40

“Ahnyiinii mik ngou matulak tang karam jangpii ninado ahnyii mah lungswi teinii timatulak tang karam jangpii ninado ahnyiinii guda nlaigongsii, Inii ahnyiigo rakani tei tii mbipyii matulak tang karam jangpii, Saraanii ahnyii mik tiimachet aitakle, sateichii ahnyii mah lungswi tei tiimatai aitakle.”

LUKNII KARYII KABI RASAM JUKAMATI 13:24

“Ki takam kamarumki teito tatliit tang karam jangpii tiigat tolo, kadapochiinii Inii gonyii dakii tam leile, mei hangkanii teiki tatliit tang karam jangpii tiitangle, nlenii liitpei lakle.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

HEBRUMEI 12:17

Kadapokii gonyii- nii tile, katunii, tai kanaki Isaunii satoi tei dounyii katu kak mpougo mazhiisu takle, kadapokii mpounii mikdwi patsii fiikido mpounii lung kali tang karam tinglang kabi tei dousu takle.

MARK 6:52

Dapochiinii mei thang mangiigo bai kalu mah kasang kaang tei tikasu jangpii, ahnyii swipii tipei wolak takle.

IPISAMEI 4:18

ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.