ROMMEI 11:20 - KARANU KABI SAMTAM

²⁰ Teitei kasangle, ahnyii tei malum kasu jangpii tuiga takle, nlenii nangnii gomah kamalum paito sat leile, teipiinii detdi tusulo, nlenii hinglo;

ROMMEI 11:20 Referans Kwoze

ROMMEI 12:16

hang- ninanii hangniniigo masambisii lunglo; detdi sulo, nlenii kasana- meigo njasii kaswilo; goroinapii kasakaipii lesii maningsulo.

2 KORENMEI 1:24

Nyiinii gonyiimah kamalum phyiiryiito apum tiitang karam jangpiinii makle, nlenii gonyiigo nta matu tang karam jangpii nyiinii gonyiigo kaswisii tha tiileile. Kadapokii gonyiinii kamalum kito sangtingsii satsii leile.

1 KORENMEI 10:12

Teijangpii satziilesii maning kalei ah teinii koukasu tiisii tiigat malulo,

1 PITAR 1:17

Sateichii kaghu kapang mei- hangmah tha taiswisii samtak katii ah gotei gonyiinii Apfii sii lat leponii, gonyiimah sazyii pouryiimah tiilung tei ahgo hingsii lunglo.

PILIPIMEI 2:12

Teipiinii, gu kangmei, tinglang kaleita gonyiinii katam swisii kalei takumpii, Inii gonyiigo kaswisii kalei kikak roinii supii aitoi Inii gonyiigo kaswisii leikasu ki kakdo nlailoisii kisii hingsii ninado nchyiidung dungsii tha tei tiisii leihumlo, gonyii mah kaleikapyii karing tei matwi mashangwo kabui tiisii,

HEBRUMEI 3:12

Kangsanamei, gonyii kak kito mei kado kashyii lung kapung, sateichii malum kasu tei patsii mpounii karing Saraa dato dhiisii tat tu kasu tiisii sakai wolo.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

KOLOSIMEI 2:7

Gonyiimah maa tei mpoudato tuksii bamlo, mpou gamkii gonyiimah tiilung tei tiimakhiilo sateichii gonyiimah kamalum kito teibui builo sateichii hakalang katam teipiinii tokryiilo.

ROMMEI 11:18

Tingkaa hang pyiiryiito nryiisii det disulo nangnii detdi leponii, maninglo katunii, tingmaago rung kalei tei nang makle, nlenii tingmaanii n-go rung leile.

2 KORENMEI 10:5

Saraamah swirek katigo mazhii kasu detkadi doi kadang hang gotei nyiinii tiimashyiile, sateichii swi kamaning hangtei nyiinii ma- ringpouchyii chyiisii Kristanii katam swimatule.

MATIMANGOU KAPYII 18:7

Mpoupei roinapii mpoupeigo tam matoi katu ninado hangkapiinii kasamou pyii katu takumpiinii, teiziikii kamoi kamage kalak ninado madaksii magee katu tei mpoupeigo pyiilo. Kadapokii mpoupeinii mpoupei lung kito tamle, ‘sagong nou tiisii Inii bamle, laksimei makle, madaksii magee katu tei Inii ngousang ngoulakle!’

MATIMANGOU KAPYII 3:17

Gonyiinii ka-nkhii kasana kamage kamarhii, mah kaga, mik kachet ninado peimani kai kasutei tisupii I mah nitakle, kani kahii hangkapii doutakle sateichii mah- kado tang kalak tiimaklesii gonyiinii tamle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

1 PITAR 5:9

Gonyii kamalum kito sangtingsii ahgo saryii tiilo, kadapokii teigo njoi katu tei kakum kamage kalak kapung hangtei sazyii pouryii kalei gonyiigo njoi katu kamalum mei datodo pat takle katu gonyiinii tilo.

JEMS 4:6

Nlenii Saraanii jumage kapyii tei kisii pyiile; teijangpii kabi rasam kito tamle, “Detkadi meigo Saraanii mazhii makle, nlenii lung kamanoi meigo jumage kapyii tei pyiile.”

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

HEBRUMEI 4:11

Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.

HEBRUMEI 4:6

Teijangpii mei kangkanii ka-ntak kitei liit tang karam lei katu taiswisii, sateichii kareiki kabi rasam tam ralikapyii shii kalumei teinii katam swikasu jangpii liit kasu taiswisii,

HEBRUMEI 3:19

Teipiinii malum kasu jangpii ahnyiinii ntakbam kitei liitpei wolak kiile katu nyiinii ngoule.

2 THESOLONIKAMEI 2:4

Mpounii saralesii lat kalei mak-kii ting tupii tiikabam saralesii mata kalei mahlyii hang gotei mazhiilakle, sateichii ahnyiihang phyiiryii teikii mpou roinapii mpougo kaitangle. Mpounii Saraa kamaning kilung katangdo liit tangle ninado Saraale katupii tam mpat tangle.

ROMMEI 3:3

Kadaponii kangkanii malum suleponii kadapei pat tangpo? Ahnyii mah kamalum tang kasu teipiinii Saraago malum kamajyii tei samah kado kasu tiimalei tangpo?

TIILAMLWI KAPYIIMEI THA JUKAMATI 18:6

Sateichii ahnyiinii mpougo jyiipasii tam mashyii tusek-kii, mpounii mpou peimani gam buinei tei katungtoi aisii ahnyii dakii tamle, “Gonyii zai tei gonyii phyii gam khii matulo! Inii kama gale, aitoisekpiinii Inii lui kakimeida tat tutang takle.”

LUKNII KARYII KABI RASAM JUKAMATI 18:14

Jisunii tamle, Inii gonyii dakii tam leile, mpounii ki gong katu kak Saraa doito kasang kamajyii katii teinii aha-kahapii tei supiinii kabijai katiipii teimakle. Kadapochiinii mei kata hangninanii mpou roinapii mpougo poi kasagoi meihang gotei tiisanapyii tangle. Sateichii mei kata hangninanii mpou roinapiinii mpougo poi sana lepo- chiinii, poi sagoi pyii tangle.”

1 KORENMEI 16:13

Gonyii sakai wolo, kamalum kito sangtingsii satlo, pfiimeinii tiikamajyii tha tei tiilo, rai gasulo.

ROMMEI 11:21

kadaponii Saraanii nuto mpoumah tingkaa hang gotei keipyii suleponii, mpounii n-godo keipyii lakle.

ROMMEI 12:3

Sateichii Saraamah jumage kapyii luha tei gudakii pyii kabam jangpii Inii gonyii hang dakii tam leile, gonyiinii maning tang karam sung kisii gonyiinii gonyii roiniipii maning sagoiki sulo, nlenii gonyii- mah kamaning kito lungmanoilo, sateichii Saraanii gonyiigo pyii kabam kamalum taiswisii gonyii roinapiinii samtak tiilo.

1 KORENMEI 15:1

Sateichii aitoinii kangsa- namei, Inii gonyii dakii tam rali pyii kalei kabi rasam, gonyiinii doukalu sateichii satsii kalei gonyii mah kamalum tei, Inii gonyii dakii tam maningloi leile.