ROMMEI 11:16 - KARANU KABI SAMTAM

¹⁶ Sateichii ryiikabam thoknui kang kito pyiitoi kalei njai karei tei matei leponii thoknui kang hangtei mateile; sateichii tingmaa teinii matei leponii tingkaa hang teido mateile.

ROMMEI 11:16 Referans Kwoze

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

ROMMEI 11:17

Nlenii tingkaa kangkanii tuiga leponii sateichii nangnii Saraa- mah sungchyiibang tiisii ahnyii kak-kii n-go masetkai pyiisii sung- chyiibang mah njai tei ahnyii go kaswisii nangnii dou njoisii leileponii.

MATIMANGOU KAPYII 14:4

Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

1 KORENMEI 7:14

Kadapokii malum kasu naatei mpou nougo kapang kalu teipii Saraa doito lukai majyii takle, sateichii malum kasu noutei kama- lum naaki gong kalu teipii Saraa doito lukai majyii takle, aitiisii tiisu leponii, gonyii nahmei tei meidamei takum tangle, nlenii aitii katu taiswisii gonyii nahmei tei Saraa doito lukaimajyii takle.

ROMMEI 8:23

Sateichii nrung kalei tei teiroi makle, nlenii rangiimah atikarei dousii kalei nyii pum sekpiiniido mpoumah sapfiimei tiipyii matu tang karam, katunii, nyii pumgo kalei pyii matu tang karam jangpii koisii kalei kak, nyiilungto nyii pum sekpiiniido nrungsii bamle.