ROMMEI 10:6 - KARANU KABI SAMTAM

⁶ Nlenii kamalum taiswisii kapat kasang kamajyii teinii aitiisii tamle: “Tanii sating gam khiitangpo?” Sii gonyii lung kito tam sulo, tei teinii Kristago poisanale,

ROMMEI 10:6 Referans Kwoze

JONNII KARYII KABI RASAM JUKAMATI 6:58

Sating gamto kahum tiirok tei aile; peipaomei hangnii chiiwosii taikaga takum makle, tiirok ai chii kalumei hangteinii kalui kaga tiisupii ringtangle.”

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

ROMMEI 4:13

Kadaponii Abraham sateichii mpoutaa mpounahmeigo sazyii pouryii ai ahnyiinii mahtou toutang lesii riishii tiikapyii tei ajaitingshang paito gongmakle, nlenii kamalum mah kasang kamajyii paito gongle.

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

JONNII KARYII KABI RASAM JUKAMATI 6:33

Kadapokii sating gamto humsanii sazyii pouryii dakii karing kapyii tei Saraa mah tiirok teile.”