ROMMEI 10:15 - KARANU KABI SAMTAM

¹⁵ Sateichii ahnyiigo langkaipyii suleponii ah- nyiinii kada takumpii kabi rasam tei tam ralipyiiwo tangpo? Ryii kabam aitakumle, “Kabi rasam pung kagongmei mah pitei kadazii kapiinii ngoubipo?”

ROMMEI 10:15 Referans Kwoze

IPISAMEI 2:17

Tei- jangpii Kristanii gongsii kamajung mah kabi rasam tei meihang dakii lui kakimeida, Saraa dato dhiisii kalei- meida, sateichii mpou dato ma- nangsii kalei, Jehudimeida gongsii tam ralipyiile.

IPISAMEI 6:15

Sateichii kamajung kabi rasam tam matitang karam jangpii tiikakada teipii gonyii- mah pichot tiisii,

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

LUKNII KARYII KABI RASAM JUKAMATI 10:1

Aitaito mpounii mei kakimei reksanago kalai takle, mpou- nii gong tang karam namdi hangki sateichii bamlyiihang kikii ahnyiigo hangna hangnapii mpou doikii lang matu takle.

LUKNII KARYII KABI RASAM JUKAMATI 8:1

Tinglang shangniikii sou kaleitai Jisunii Namdi ninado nam kacheng hangki maasii, Saraa mah Sating Sazyii mah kabi rasam tei tam ralipyiitu takle; Mpou boumei keariisiinakhii tei mpoutai switakle.

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

LUKNII KARYII KABI RASAM JUKAMATI 2:10

Nlenii sating gamlui teinii ahnyii dakii tamle, “Gonyii hingsulo, dapochiinii julo, sazyii pouryiimei hang jangpii gong tang karam hangkapii ka-nta kabi rasam tei Inii gonyii dakii pung gong leile.

METIU 9:38

Teijangpii mpou mah rachet tang karam lu kiteikii tha katiimei lang magong matutang karam jangpii karachet mah Bangpii dakii riita khanglo.

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

ROMMEI 1:15

Teijangpii Inii ngam kabui- tanii Rom kito kalei gonyii dakiido kabi rasam tei tam rali pyii nyiisii bamle.

ROMMEI 15:20

Nle, aitiisii Inii kaki hangninii mah kibangmaa phyiiryiikii tiimakhii lak tang karam jangpii, Krista mah zei tisang kasu bam kiteito kabi rasam tei tam ralipyii tang karam ai gu swi kito raang kalule;