ROMMEI 10:12 - KARANU KABI SAMTAM

¹² Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.

ROMMEI 10:12 Referans Kwoze

PILIPIMEI 4:19

Sateichii gu Saraanii gonyiimah kamarei hangtei Krista Jisu paikito mpoumah pumtei kava kito kalei kani kahii taiswisii gonyiigo pyiitakle.

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

1 TIMOTHI 2:5

Kadapokii Saraa hangninii leile sateichii Saraa ninado meinahgo poigong nja kapyii hangniniido leile;

PILIPIMEI 2:11

sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

MATIMANGOU KAPYII 19:16

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

ROMMEI 14:9

Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

1 KORENMEI 15:47

Karei Adam tei, buineipii katii, sazyii rangrhii kitole; hangna kashang Adam teinii sating gam tole,

1 KORENMEI 1:2

katunii kamateimei tiisii lat kalu, Krista Jisu dato tiimatei kalei ahnyii dakii sateichii nyii Bangpii, ahnyii mahdo nyii mahdo tiisii kalei Jisu Krista zeigo bamlyii hang kito matasii kaleimei hang dakii mati leile:

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

IPISAMEI 2:4

Nlenii Saraamah lungset kati teinii hangkapii nile, sateichii nyii jangpiinii mpoumah lungkasyii teinii hangkapiinii dile;

ROMMEI 15:12

Sateichii nlailoisii Isaiyanii tamle, “Jesse mah maatei pok pat tangle, sateichii luikakimei phyiiryiito apum tiitang karam jangpii kagong mpou zei gotei luikakimei hangnii maning malum tangle.”

TIILAMLWI KAPYIIMEI THA JUKAMATI 9:14

sateichii aikito gozeigo kalatmei hang go jumtang karam jangpii kanat kanhii kajum Atingmei dato teimaham tei mpounii doutakle.”

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TIILAMLWI KAPYIIMEI THA JUKAMATI 7:59

Sateichii Bangpiigo kalat sateichii “Bangpii Jisu, Gu rangii ai poipyiilo” sii riita leibangpii ahnyiinii mpougo kuitupii rotsii bamle.