ROMMEI 1:8 - KARANU KABI SAMTAM

⁸ Karei reisang kito Jisu Krista paito gu Saraa go Inii hakalang tamle, kadaponii gonyiimah kamalum tei sazyii pouryii hangnii shiilei takle.

ROMMEI 1:8 Referans Kwoze

ROMMEI 16:19

Kadapokii gonyiimah katam kaswi tei meihangnii titakle; teijangpiinii Inii gonyiimah kaang kito ntale, nlenii gonyiinii kabi lamto kasakai, sateichii kashyii lamto kama gasii lungkatu ai Inii mareile.

1 KORENMEI 1:4

Krista Jisu paikito gonyii dakii pyii kabam Saraamah jumage kapyii jangteipii Inii gonyii jangpii tinglang kaleita Saraago hakalang tamsii leile;

ROMMEI 6:17

Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

1 PITAR 2:5

Jisu Krista paikito Saraanii mazhii kapyii sateichii rangiimah kakarat pot hangtei pyiitoi tang karam jangpii, kamatei atingmei hangninii tiitang karam jangpii, gonyii roinapii gonyii karing kuitu hang takumpii rangiimah kitei tiimakhiilo.

HEBRUMEI 13:15

Tei- jangpii mwipiinii kapyii kakarat katunii, mpougo Bangpii tiisii, Jisu paikito Saraa dakii nyiimah kakarat tei taksupii nyiinii pyiide.

KOLOSIMEI 1:3

Gonyii jangpii nyiinii kariita tinglang kak, Nyii Bangpii Jisu Kristamah pfii Saraago nyiinii tinglang kaleita halangle,

PILIPIMEI 1:3

Inii gonyiigo kamaningta gu Saraago Inii halangle.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

IPISAMEI 5:20

Nyii Bangpii Jisu Krista zei kito Pfii Sa- raago mahlyii hang jangpii tinglang kaleita hakalang tei pyiilo.

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

IPISAMEI 3:21

Charsh kito ninado Jisu Krista zei kito meilui meiha hangnii kalui gasii pumtei kava tei matulo, Amen.

TIILAMLWI KAPYIIMEI THA JUKAMATI 11:28

Sateichii ahnyii kak kito zei Agaba sii kalat mei hangninanii gungtu sat tosii, sazyii pouryii bamlyii hang kito tak kating gongtang takle katu tei rangii paikito tam mpat takle; sateichii ai ai Klodius haki aitiisii pat takle.

LUKNII KARYII KABI RASAM JUKAMATI 2:1

Teitinglang dou aitiisii pat takle; sazyii pouryiimei hangmah meilui fiilosii sagong Kaisor Agastas dato mwija pat takle.

TIILAMLWI KAPYIIMEI THA JUKAMATI 28:22

Nlenii goswi golung kadapeipo katu nyiinii godato shii kajyiitakle katu maningle; kadaponii bee aimei phyiiryiikii bamlyii hang kito karashii kalei ai nyiinii tile.”

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

IPISAMEI 1:16

Gonyii jangpii Inii Saraago hakalang katam tei ntak makle. Gumah kariita hang kito Inii gonyiigo maningsii leile.

1 THESOLONIKAMEI 1:2

Nyiimah kariita hang kito taksupii gonyii jangpii nyiinii riitasii gonyiihang jangpii taksupii nyiinii Saraago hakalang tamsii leile.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

2 TIMOTHI 1:3

Gupei gupaomeinii tiikalei takumpii Inii lung mateisii nga ngakalei Saraago Inii halangle. Gumah kariita hangkito Inii n-go taksupii tinghum tingna maning kagong kak Inii mpougo halangle.

PHILIMON 1:4

Kangsanapii Philemon, Inii kariita tatei Inii n-go maningsii gu Saraa go Inii hakalang tei pyiile.