ROMMEI 1:3 - KARANU KABI SAMTAM

³ Nah sapfii mpou teinii Devit mah atat areng kito lungle;

ROMMEI 1:3 Referans Kwoze

METIU 1:1

Devit ninado Abraham nah sapfii mpou Jisu Kristamah adoidoi tiisii lungkahum Pfiitat mah larek.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 10:30

I ninado Pfii teinii hangniniile.”

2 TIMOTHI 2:8

Inii tam ralikapyii kabi rasam taiswisii kataimei kak kito ringkhii kalu, Devit mah tatreng kito kagong Jisu Krista gotei maninglo.

1 KORENMEI 1:9

Saraanii malum buile, mpou paikito mpou nah sapfii mpou Jisu Krista katunii, nyii Bangpiigo kanghe tiimatu tang karam jangpii gonyiigo laatpyii takle.

TIILAMLWI KAPYIIMEI THA JUKAMATI 2:30

Teijangpiinii mpounii Lungkakalingmei hangninii tiisii, mpouki tatreng hangninanii mpoumah sagongbam ki bam tang karamle sii Saraanii mpou dakii riishii hangninii tiipyii takle katu tei mpounii tiwo takle.

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 5:25

Inii gonyii dakii kasangpiinii tam leile, kataimeinii Saraa nah sapfii mpou mah rok shiitang karam tinglang tei gonglei takle–tinglangtei gongtakle, sateichii roktei shiikalu meihangnii ringtangle.

LUKNII KARYII KABI RASAM JUKAMATI 1:69

sateichii mpou kikaleipii Devit mah atat-areng kito Keikapyiipii hangninii nyiijangpii pyiitakle.

METIU 27:43

Mpounii Saraa go malumle, sateichii Saraa nah sapfii mpou lesii tamle, bitakle, teitii leponii Saraanii mpougo aitoi keikapyii nyiinii jude.”

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 15:22

Sateichii julo teiki sazyii baang teito Kainan mei pwi hangninii patsii saa takle, “Devit nah sapfii mpou, Oh Bangpii!” “N-gu lungsyii pyiilo; gunah sapwi mpeigo sara kashyiinii jum wosii hangkapii tiikamagesii bam takle.”

METIU 12:23

Teito meihang teinii sung gasii tamle, “Ai ai Devit nah sapfii mpou teichii makde?”

METIU 9:27

Sateichii teikito Jisunii aitiisii tat kagong kak, mik kachetmei hangnanii, “He Devit nah Sapfii mpou, nyiigo lungsyii pyiilo” sii saa sii saa sii mpou tai swi wotakle.

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.

2 JON 1:7

Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

JONNII KARYII KABI RASAM JUKAMATI 7:42

Krista teinii Devit mah tat reng kito sateichii Devitnii kalung nam, Bethlehem kito gonglesii kabi rasam kito tambam makpo?”

JONNII KARYII KABI RASAM JUKAMATI 1:34

Inii ngoutakle ninado Saraa nah sapfii mpou teilesii Inii sakchyii pyii takle.”

ROMMEI 4:1

Satiileponii apum azaitai swisii nyii pao Abrahamnii dou kalu tei kaang kito nyiinii kada lesii tam tangpo?

ROMMEI 9:3

kadaponii pum zai tai swisii gutat gureng, gu kangsanamei kaang jangpii gupum sek ai Saraanii kasheeng doutang karam sateichii Krista dato n-nou ai tang karam tei Inii maningwo buile.

1 KORENMEI 10:18

Isrelmeinah gotei pum zai taiswisii julo; kakarat pot kachiimei teinii rakuibam gotei kaswisii njai dou njoi makpo?

1 TIMOTHI 2:5

Kadapokii Saraa hangninii leile sateichii Saraa ninado meinahgo poigong nja kapyii hangniniido leile;