ROMMEI 1:28 - KARANU KABI SAMTAM

²⁸ Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

ROMMEI 1:28 Referans Kwoze

ROMMEI 1:21

Kadapochiinii ahnyiinii Saraago tikido mpougo Saraa lesii sadzyii ngariit tiimakle, mak-kii mpougo hakalangdo tam makle, nlenii ahnyiimah swi kamaning tei maning kadak aitakle, sateichii ahnyii mah kamang switei myii takle.

TAITAS 1:16

Ahnyiinii Saraago tilesii tam mpatle, nlenii ahnyiimah tha teinii mpougo mazhiimakle, ahnyiinii ka- ngouroule, katam swimakle, sateichii tha hangninii jangpiiniido kabi tei gale.

ROMMEI 1:24

Teijangpiinii ahnyii kak kito ahnyii pum tei adzyii ka. nrou gamatu tang karam jangpii, Saraanii ahnyii go ahnyii mah lungswi teinii kamarei ka nta kiteikii hongmatu tang karam jangpii mpatpyii takle;

2 TIMOTHI 3:8

Jens nei Jamresnii Moses go mazhii kasu takumpiinii lungto kasang gakalei kamalum kito mazhii kasu mei aimei ainiido kasang go mazhii sutakle.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

1 KORENMEI 15:34

Gonyiimah swi kitei swiling gong wolo, sateichii gonyii mah kakui kama pwidi hangtei rat toi ailo. Kadapokii mei kangkanii Saraamah swirek kati tei gale. Ai ai Inii gonyiigo tii nroutang karam jangpii tam leile.

ROMMEI 1:18

Kadaponii malum kasumei sateichii kashyii kahong tha tiisii kasang go namsii kaleimeigo Saraa mah rakarhii tei sating gamto mangou pyiitakle.

IPISAMEI 5:4

Gonyii kak kito tamjyii kasu katham karaam sam, kapang kamang sam, mak-kii dok tiikasu sam tei gasii, teitungpii gonyiinii Saraago hakalang tei pyii matulo.

ROMMEI 1:26

Akaang aijangpii Saraanii ah- nyiigo hangkeng kaga maning marei kikii mpatpyii takle. Ahnyii noumei teinii ameinah jai tingshang katii gotei ajaitingshang kasu kikii kadat kaitakle.

2 PITAR 3:5

Ndou kareiki Saraanii kakhatsii katam sam teipii mpounii sating ninado sazyii tii-mpatle. Teito sazyii ai dwi kito dwipii tii-mpatle,

PHILIMON 1:8

Kaang aijangpii tiikamajyii tha tei tiimatu tang karam jangpii, godakii kakhatsii tam tang karam tei Krista zeikito Inii madupii tiiwo buile.

2 KORENMEI 10:5

Saraamah swirek katigo mazhii kasu detkadi doi kadang hang gotei nyiinii tiimashyiile, sateichii swi kamaning hangtei nyiinii ma- ringpouchyii chyiisii Kristanii katam swimatule.

TIILAMLWI KAPYIIMEI THA JUKAMATI 17:32

Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 17:23

Kadapokii Inii aitiisii tatpatsii gonyii mah Saraa kamaningki kitei jukii, ‘juti kasu sara dakii’ sii rakuibam hangninii phyiiryiikii ryii- kabam teido ngoutakle. Teijangpiinii gonyiinii juti kasu sarago mata kajyii ai Inii gonyii dakii tam leile.