ROMMEI 1:20 - KARANU KABI SAMTAM

²⁰ Sa- raanii sazyii pouryii tii mpat kalu sekto mpoumah ngoupeiwo kalak ajaitalui, katunii mpoumah kalui kaga teimaham sateichii matei kabi ajaitalui tei tii-mpat kabam amah- lyiihang kito tiigatpii ngousii titakle, Teipiinii ahnyiigo mpatpyii tang karam gale;

ROMMEI 1:20 Referans Kwoze

ROMMEI 1:19

Kadapokii Saraa mah kaang kito tikabui tei ahnyii dakii pyiibam takle, kadaponii Saraanii ahnyiigo mangou pyii takle.

ROMMEI 2:15

Kadapokii ahnyiinii ahnyii lung kikii ryiikai kabam ajaitingshang mah atha tei mangoule, sateichii ahnyiimah kasang mak-kii kama tei lungswi niido sakchyii pyiile, sateichii ahnyii swi tei hangni hangniniigo katheisii ahnyiigo kama lwikai pyiile, mak-kii ahnyii go dang pyiile.

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

JONNII KARYII KABI RASAM JUKAMATI 15:22

Inii gongsii ahnyii dakii tam suleponii, ahnyii mah kem tei leilakle, nlenii aitoinii ahnyii mah kem magapyii tang karam gatakle.

1 TIMOTHI 1:17

Kalui tiikasu sagong, gakalak sateichii mikpii ngou kasu hangni- niisang hangninii roinii kalei Saraa dakii kalui gasii dzyii ka-nrou ninado tam kamatoi tei matulo Amen.

KOLOSIMEI 2:9

Kadaponii mpoudato Saraa- mah kamateimah katokryii hangtei pumrong tiisii lungleile.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

ROMMEI 2:1

Teijangpii he samtak katii meihang n-go magapyii tang karam gale; kadaponii nangnii meigo samtak tiisanii ahnyiinii katii tei nangniido tiikalei kito nangnii goroinapii tiima aitakle,

KOLOSIMEI 1:15

Krista ainii meinah mikpii ngoukasu Saraa njoi karei mikpii kangou teile. Mpou ainii baichem lyiihang phyiiryii kasat, manaa karei nah sapfii mpou teile.

1 TIMOTHI 6:16

hang- niniisang hangninii roinii kalei katai nlai kaga, sateichii da manangkhii wokalak kava kito kalei, mei kaniido ngoukasu ninado ngoupeiwo kalak mpounii mangou kapyii tei tinglang kabi kito mangoupyii tangle, sadzyii ngariit katii sateichii kalui gasii magongsii kalung tei mpougo matulo! Amen.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

TIILAMLWI KAPYIIMEI THA JUKAMATI 17:29

Teijangpiinii nyii ai Saraa mah taa nahmei katu taiswisii, Saraa katu teinii meinahnii kamaning ninado gek kalu mah hangninii sana mak-kii sana raguiba mak-kii kuitu takum- lesii nyiinii maning kajyii makle.

HEBRUMEI 11:27

Kamalum kito mpounii sa- gongmah rakarhii tei hingsupii Izip tei toi aisii tatpat totakle; kadapokii mikpiinii ngoupei kalak ah gotei ngoukalu takumpii mpounii leh wotakle.

METIU 5:45

kadapokii mpounii kashyii- mei ninado kabimei phyiiryiikii mpou mah leimik tei vamatule; sateichii kasang kamajyiimei ninado kasang kamajyii tiikasumei phyiiryiikii sating ryiikai pyiile.

TIILAMLWI KAPYIIMEI THA JUKAMATI 22:1

“Kangsanamei ninado Apfii- meihang, Inii aitoi gonyii dakii dangtang karam sam katam ai shii seilo.”

MARK 10:6

Nlenii tii mpat saroi sekto ‘Saraanii sapfiimei ninado sapwimei ai tiipyii takle.’

1 KORENMEI 1:20

Kasakaimei kadaki leipo? Ajai- tingshang kati ojamei kadaki leipo? Aiha kito sam kajyiikati mei kadaki leipo? sazyii pouryii meimah swirek kabi gotei Saraanii tii m-mang aitak makpo?