ROMMEI 1:17 - KARANU KABI SAMTAM

¹⁷ Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

ROMMEI 1:17 Referans Kwoze

GALATIMEI 3:11

Aitoinii mei hangninii kagodo Saraa doito ajaitingshang teipii tiimajyiipyii womakle katu tei ngoutakle, “Kada- pokii kamalum paikito kasang kama- jyiimei teinii ringtangle.”

HEBRUMEI 10:38

Nlenii gumei kasang kamajyiimei hangteinii, kamalum teipii ring tangle, sateichii ahnyii kak kito mei kata hangninanii tailam pang nlaitu leponii, Inii ahgo lungmang lakle.”

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

ROMMEI 9:30

Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;

ROMMEI 3:21

Nlenii aitoi ajaitingshang haisupii Saraa dato tiimajyii kapyii tei mangoupyii takle, teitei ajaiting- shang teipii ninado Lungkaka- lingmei hangnii sakchyii pyiile,

ROMMEI 3:3

Kadaponii kangkanii malum suleponii kadapei pat tangpo? Ahnyii mah kamalum tang kasu teipiinii Saraago malum kamajyii tei samah kado kasu tiimalei tangpo?

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

2 KORENMEI 3:9

Kadapokii tiikamaga mah ajaitingshang kitei pumtei kava leileponii, kasang kamajyii kitei pumtei kava kadaziikapii kitangpo?

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.