ROMMEI 1:16 - KARANU KABI SAMTAM

¹⁶ Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

ROMMEI 1:16 Referans Kwoze

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

1 PITAR 4:16

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 KORENMEI 2:4

sateichii gumah ralikapyii sateichii samtam tei meinah mah kati kangou mah swirek kabipiinii tamlei makle, nlenii Saraa rangii teimaham kito maning kariirhii kaga tiikamangou teipiinii tam leile.

1 KORENMEI 2:2

kadaponii Inii gonyiigo kaswi kalei kak, Jisu Kristago ninado mpounii krosh gamto taikapyii teisupiinii, mahlyii hangtei Inii mangai aitang takle katupii gulung swi satto takle.

ROMMEI 10:17

Teipiinii kamalum tei shiiwo kalu kito gongle, sateichii shiiwo kalu tei Krista mah tam rali kapyii kito gongle.

HEBRUMEI 4:12

Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile.

1 KORENMEI 15:2

Teiteinii gonyii dakii Inii tam ralikapyii kabi rasam mah samtam teile. Inii gonyiigo tam ralikapyii kabi rasam teipiinii gonyiigo keipyii takle, tei kito gonyiinii tiigatpii satsii lei suleponii, gonyiinii matapii malum tutakle.

GALATIMEI 1:7

Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

ROMMEI 2:9

Kashyii kahong tha katiimeihang go kamage kalak tei gongtangle, karei reisang kito Jehudimei jangpii sateichii lui kaki kakimei jangpiido.

TIILAMLWI KAPYIIMEI THA JUKAMATI 3:26

Sateichii teijangpii Saraanii Mpouki kaleipiigo kalai takle ninado karei kito mpougo gonyii dakii lang m-mangpyii takle, gonyii mah kem pwidi hang kito tat nrek matusii satoi pyiitang karam jangpii.”

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

2 KORENMEI 9:13

Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle.

2 KORENMEI 2:12

Krista mah kabi rasamtei tang ralipyii tam karam jangpii Inii Trosh ki kagong kak, teikito tha tiitang karam jangpii Bangpiinii pwidi laatpyii kabamtei Inii doutakle.

1 KORENMEI 9:18

Teitii leponii gumah lhang tei kadapeipo? Teinii kabi rasam tam rali katu kito gumah majyii hangtei poisii tha tiitusupii, Inii tam rali kapyii kito mai poisupii matapii Inii kabi rasam tam rali kapyii teile.

1 KORENMEI 9:12

Mei kakimeinii gonyii dato njai ai doutang karam majyii tei leileponii, nyiinii teisung kisii disii dou majyii makpo? Teitii kido nyiinii majyii ai poisii tha tiimakle, nlenii Krista mah kabi rasam pwidi kito doi kadang mpat lak tang karam jangpii nyiinii mah- lyii leh wotakle.

ROMMEI 15:29

Sateichii Inii gonyiida kagong tinglang kitei Krista mah katokryii satoi tei kaswisii Inii gongtangle katu tei tile.

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

2 TIMOTHI 1:16

Abangpiinii Onisi- poraski kalung mpung go lungsyii pyii matulo; dapokii mpounii n-gu kamage kalak kito tii ntajat jat pyiisii n-gu kapai sagyiireng hang jangpii mpounii nroupyii makle.

ROMMEI 4:11

Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

JONNII KARYII KABI RASAM JUKAMATI 7:35

Jehudimei hangtei hangninanii hangninii dakii tamle, “Nyiinii mpougo ngou wokalak tiisii mei aipou ainii kadaki tat tuleziipo? Grikmeida marou maruk katu meida mangsii, Grikmeigo tam ralipyiine shiide?