ROMMEI 1:14 - KARANU KABI SAMTAM

¹⁴ Grikmei datodo lui kakimei datodo kasakaimei datodo swikagamei datodo Inii apow pung leile:

ROMMEI 1:14 Referans Kwoze

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

ROMMEI 12:16

hang- ninanii hangniniigo masambisii lunglo; detdi sulo, nlenii kasana- meigo njasii kaswilo; goroinapii kasakaipii lesii maningsulo.

2 KORENMEI 11:19

Kadapokii gonyii roinapiinii kasakaipii tiisii, gonyiinii swi kagamei hang gotei ntasii lehpyiile!

ROMMEI 16:19

Kadapokii gonyiimah katam kaswi tei meihangnii titakle; teijangpiinii Inii gonyiimah kaang kito ntale, nlenii gonyiinii kabi lamto kasakai, sateichii kashyii lamto kama gasii lungkatu ai Inii mareile.

ROMMEI 13:8

Hangninanii hangniniigo lung- kasyii mah pow teisupiinii mei mah kado, mah hangninii kado pow pungsii leisulo; kadaponii mpouki tiinaniipameigo lungkasyiimei teinii ajaitingshang gotei gongmatwi ma- tule.

ROMMEI 8:12

Teitiileponii kangsanamei, nyiinii apum azaitai swisii ringtang karam jangpii apum azai mah pow punglei makle;

ROMMEI 1:22

Ahnyii roinapiinii kasakai- pii lesii tam mpatsii mang tutakle,

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

2 KORENMEI 10:12

Kadaponii ahnyii roinapii ahnyiigo tam matoisii kalei ahnyii mei kangkii gotei kaswisii nyiinii mpou mpou roinapiinii mpougo safii fiihai tang karam mak-kii poi ka-nda tang karam mah makle. Nlenii ahnyiinii ahnyii roinapii hangninanii hangniniigo thaam kaju kak, satei- chii ahnyiinii ahnyii roinapii hangninanii hangninii go poi ka-nda katu kak, ahnyii teinii kadaziikapii swigapo!

1 KORENMEI 14:16

Kadapokii nangnii rangii kito hakalang tam leponii sateichii nangnii kadapei tam leipo katu tei ahnii tisu leponii, sabato kaleimei kata hangninanii gomah hakalang tam kalei gotei kada takumpii Amen tam wotangpo?

1 KORENMEI 14:11

Teipiinii latmah tam kalei kaang tei Inii tisu leponii, tamsii kalei ahda teito I-ai sapumnah hangninii takle, sateichii tamsii kalei ahtei gudato sapumnah hangninii takle.

1 KORENMEI 3:18

Mei kaniido ah roinapiinii ahgo schoi choi matu sulo; gonyii kak kito aiha ki aito mei kata hangninanii ah ai sakailesii maning leponii, ahnii sakai tang karam jangpii ahnii maning matulo.

1 KORENMEI 2:13

Sateichii ai ai sazyii pouryii mah swirek kabipii ralikapyii samlat kito nyiinii tam mpat makle, nlenii rangii doukalumei dakii rangii mah kasang hangtei adoidoi tiisii katam samlat kito tam leile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

TIILAMLWI KAPYIIMEI THA JUKAMATI 28:4

Sateichii teiki sazyiimei teinii mpoubah kito sanhii kara teinii nju kalei tei ngou wosek-kii, ahnyiinii hangninanii hangniniigo karashiitu takle, “Mei sapfii mpou aipou ai meigo kagimeile katu maning kariirhii takle, mpounii dwijai kito nlek wokido, kasang samtak katii teinii mpougo tiima- ringpyii sutakle.”

TIILAMLWI KAPYIIMEI THA JUKAMATI 28:2

Sateichii teiki sazyii kito lungkalei meinii nyiigo tiikamangou lungkasyii teinii meinii tiikalei takum makle; kadapokii sating karyii ninado katoktai jangpii, ahnyiinii mi tiipyiisii nyii meihang go lukai pyiile.

LUKNII KARYII KABI RASAM JUKAMATI 10:21

Tei tinglang sek-kii mpounii rangii kamatei mah teimaham paito ka-ntapii tokryiisii tamle, “He gu pfii sating ninado Sazyii pouryii mah Bangpii, Inii n-go halang takle. Dapochiinii nangnii aihang aigo kasakai ninado katimei dato poi kabaibam siinii nahmei kacheng meihang dakii mangoupyii takle. Nle, gu pfii, dapochiinii aipiinii go mikjot kito kasat teile.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.