ROMMEI 1:13 - KARANU KABI SAMTAM

¹³ Inii gonyiigo ai timatu nyiile, kangsanamei katunii, Inii gonyiida gongnyiisii leile. (Nlenii aitoi katangpii n-gu dangsii bamle) gonyii kak kito sateichii lui kakimeihang kak kitodo Inii lu rachet tang karam jangpii,

ROMMEI 1:13 Referans Kwoze

TIILAMLWI KAPYIIMEI THA JUKAMATI 19:21

Sateichii tha aihang ai sang kaleitai Polnii Misidoniya ninado Akaiya tat majupat tosii Jerosalem ki katang maatang karam jangpii rangiinii maning wosii tamle, “Inii teiki tei gongwosii Romdo jutang karam takle.”

PILIPIMEI 4:17

Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

1 THESOLONIKAMEI 4:13

Nlenii kangsanamei, maning kamalum kaga kakimei takumpii gonyiinii lungswi kamagelak tang karam jangpii taikaleimeimah kaang kito gonyiinii tikasu tei nyiinii mareimakle,

1 THESOLONIKAMEI 2:18

Nyiinii gonyiida nlaigong nyiile, Pol, Inii, gupum sekpiinii nlaigong tang karam jangpii binii roisupii tiitakle. Nlenii Seitannii nyiigo doi dangnei wotakle.

2 KORENMEI 1:8

Nyii kangsanamei, Asia kito nyiinii doukatu kaset kalak kadi tei nyiinii gonyiigo timatunyiile. Nyii phyiiryiikii kai kapyii kaset kalak tei diju masui jusii nyiinii ringtang karam mah maning kamalum teido gatakle.

1 KORENMEI 12:1

Kangsanamei, aitoinii gonyii- nii ryii kabam rangii mah luha kaang kito, gonyiinii tikasu tei Inii marei makle.

1 KORENMEI 10:1

Kangsanamei, nyiipei nyii- paomei hang teinii mongjyii kangto tatsanii kaghang dwijai sumto ahnyii hangnii kaapat tole, katu tei gonyiihang go Inii timatu nyiile,

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 4:36

Lingkakai ahnei karachet ahteinii kaswisii nta njoitang karam jangpii, karachet ahteinii pumjangmai doule, sateichii kalui gasii ringtang karam jangpii ti tei poi nkomle.

2 THESOLONIKAMEI 2:7

Kadaponii kama- kum kathokmah kashyii kahong teinii aitoido tha tiisii leitakle; nlenii aitoi namsii kalei ahgotei pwidi kiteito poitoi kasuta teinii dang tangle.

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

1 KORENMEI 9:2

Mei kakimei dato I-ai tiilamlwi kapyiimei hang- ninii mak kido, gonyii datonii I-ai tiilamlwi kapyiimei hangninii sekle; Kadapokii Inii tiilamlwi kapyiimei hangninii tiisii kalei mah siiti tei Bangpii lamto gonyiile.

TIILAMLWI KAPYIIMEI THA JUKAMATI 21:19

Teito mpounii ahnyiigo salam tiikaleitai, mpounii tha katii kito Saraanii lui kakimei kak kikii tiikapyii atha tei nsang nsangpiinii mpounii tam mpat tutakle.

TIILAMLWI KAPYIIMEI THA JUKAMATI 15:12

Teito meihang teinii malhii- supii bam takle, sateichii Pol nei Barnabas paikito lui kakimei kak-kii Saraanii tiikamangou ninado kama- dat kamadat hang tiikapyii tei mpoupiinanii tam ka-mpat tei ahnyiinii shiile.

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

JONNII KARYII KABI RASAM JUKAMATI 12:24

Kasang kasangpii Inii gonyii dakii tam leile, Gihuti hangninii ai sazyii takmangsanii tai kasutanii, tei tei mpouroinapii teitiisii leihumle, nlenii tei tei tai aileponii, ti hangka matile.

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 28:14

Teibam ki teito nyii kangsanameigo kadou wosii ahnyiinii nyiigo leimik sana ai kaswisii bamlesii khang takle; aitiisii nyiinii Romki gong takle.

ROMMEI 1:12

katunii, aile nyii hangni hangninii mah kamalum teipiinii gonyii mahdo gumahdo gonyii kak kito n-go n-gu lung tiimadi pyii tang karam jangpiile.

ROMMEI 7:1

He kangsanamei, meinahnii ring kaleita tei ajaitingshang teinii meinah pyiiryiito apum tiisii bamle katu tei gonyiinii timakde? Kada- ponii ajaitingshang katimei dakii Inii tam leile.

1 KORENMEI 1:10

He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.

1 KORENMEI 14:20

Kangsanamei, swi kamaning kito nahmei takum supii, kashyii kito nahmei takumpii leilo. Nlenii swi kamaning kito katingmei takumlo.

1 KORENMEI 14:26

Teitiileponii kangsanamei, tei- tei kadapeipo? Saraago mata tang karam jangpii gonyiinii gong ndwi katu kak, meihangni hangninanii Saraa kamaning lhii kado, mati mangou kapyii kado sam katam kado, tam kalei gotei kadat mpat katu kado, mahlyiihang tei Charshgo tiiha matu tang karam jangpii tiimatulo.

GALATIMEI 3:15

Gu kangsanamei, tingnei ma- tuita tatsii kalei meinah mah jairali kito nda hangninii tiisii Inii tam leile, katunii, mah hangninii jangpii mei hangnanii mazhiihiitsii ahnei hangna kakto kamazhii mah bah soi tei pyii aisekchii, mei hangninii kaniido teitei tiipak wolakle, mak-kii teikikii mah kado kai mpam wolakle.

GALATIMEI 6:18

Kangsanamei, nyii Bangpii Jisu Kristamah jumage ka- pyii tei gonyiimah rangiigo kaswipyii matulo; Amen.

PILIPIMEI 1:22

Nlenii ringjousii kalei teipii Inii kisii tha kabi tei tiiwobui leponii, Inii kadapii tei kalai tangpo tisutakle.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.