ROMMEI 1:1 - KARANU KABI SAMTAM

¹ Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

ROMMEI 1:1 Referans Kwoze

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

1 KORENMEI 1:1

Saraamah kamaning kamarei paikito Jisu Krista mah tiilamlwi kapyiimei hangninii tiisii lat kalu Polnii sateichii nyii sanapii Sostenesnii Koren kito kalei charsh dakii,

KOLOSIMEI 1:1

Saraanii kamaning kamarei kito Krista Jisumah tiilamlwi kapyiimei hangninii tiisii kalei, Pol ninado nyii sanapii Timothi dato.

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

1 KORENMEI 9:1

I gu rangra tiisii kalungmei makpo? I tiilamlwi kapyiimei hangninii makpo? Inii Jisu nyii Bangpiigo ngoutak makpo? Bangpii jangpii Inii tha katii kito gonyii ai ti mati kalumei makpo?

2 TIMOTHI 1:11

Kabi rasam aijangpii n-gu kabi rasam katam mei, tiilamlwi kapyii- mei ninado madhiikapyii mei tiilosii kalei wotakle.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

GALATIMEI 1:1

Meinah dato kasu, meinah mah paikitodo kasu, nlenii Jisu Krista sateichii mpougo katai kito tiimaring kapyii Pfii Saraamah paikito Tiilamlwi kapyiimei hangninii tiisii kalei Polnii,

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

HEBRUMEI 5:4

sateichii mei kaniido sadzyii ngariit katii bamtei mpou roinapii poilei makle, nlenii Aron go lat kapyii takumpii mpou godo Saraanii latpyiile.

PILIPIMEI 2:11

sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.

IPISAMEI 4:11

Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

2 KORENMEI 12:11

Inii swikagamei hangninii takumpii tiisii leile, nlenii gonyiinii teitei n-gu tiirou kido tiimatule, kadaponii n-gu tam matoi tang karam sekle, kadapokii Inii samah kado mak kido, phyii kasat tiilamlwi kapyiimei hang doito Inii nkangsang nkang buimakle.

2 KORENMEI 11:5

Teikatii hangkapiinii bikaki gonyiimah tiilamlwi kapyiimei hang doito I-ai nkhiikimak lesii Inii maningle.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

TIILAMLWI KAPYIIMEI THA JUKAMATI 22:7

Teito I-sazyii koumang takle, sateichii rok hangninanii gudakii ‘Sol, Sol nangnii n-gu kadajangpii tiikamage leipo’ sii katam tei Inii shiitakle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

MATIMANGOU KAPYII 22:9

Nlenii Ahnii gudakii tamle, “Nangnii teitei tiilak tang karamle! Inii n-go go kang- sanamei lungkakalingmei hang go ninado larek aimah samkang hang go swisii kaleimei hang go njoi katu kikaleimei hangniniile, Saraago matalo.”

KOLOSIMEI 1:25

Sateichii gonyii kabi jangpii tha tiilosii gudakii ai tha kapyii Saraanii n-gu charsh mah nga kangamei hangninii tiipyii takle. Tha teinii mpoumah kabi rasam tei mashangsii tam katat,

IPISAMEI 1:1

Saraamah kamaning kito Jisu kristamah tiilamlwi kapyiimei I-Pol dato– Iphisas kito kalei kamateimei ninado Krista Jisugo njasii ahnyiimah tiilung kito lungsii kalei malum kabuimei dakii:

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

ROMMEI 15:29

Sateichii Inii gonyiida kagong tinglang kitei Krista mah katokryii satoi tei kaswisii Inii gongtangle katu tei tile.

ROMMEI 11:13

Aitoinii lui kakimei gonyii dakii Inii tam leile, kadapochiinii Inii lui kakimei mah tiilamlwi kapyiimei hangninii tiisii, Inii tiikalei gumah atha ai sadzyii ngariit tiile.

TIILAMLWI KAPYIIMEI THA JUKAMATI 27:23

Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 26:1

Agripanii Pol dakii tamle, “Nang gopum sek jangpiinii tam katu mazhiipyii takle.” Teitinglang kak Polnii bah hampatsii mpougo dangtang karam sam tam tutakle.

TIILAMLWI KAPYIIMEI THA JUKAMATI 13:9

Nlenii Pol siido lat kaleipii Solnii rangii kamateipiinii tokryiisii, mpougo jutiit-tiit wosii tamle,

JONNII KARYII KABI RASAM JUKAMATI 15:15

Nlailoisii Inii gonyiigo ki kaleimei latloi lak takle, kadapokii ahmah pumpiinii katii tei kikaleimeinii timakle; nlenii gonyiigo kangmei lat takle; kadapokii Inii Pfii dato shii kalu hangtei Inii gonyii dakii mati takle.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

MATIMANGOU KAPYII 22:6

Teito Ahnii gudakii tamle, “Samkang hang ai malum kamajyii ninado kasangle; sateichii lungka- kalingmei mah rangii hangmah Bangpii Saraa teinii madousupii pat tang karam hangtei ahmah kikalei- mei hang dakii mangou matu tang karam jangpii ahmah sating gamluigo lang mpat takle.”

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

TIILAMLWI KAPYIIMEI THA JUKAMATI 26:14

Sateichii nyii hangnii sazyii koumang sek-kii, ‘Sol, Sol, nangnii n-gu kadajangpii tiikamage leipo? Kuitu gamki gopipii kapiitiit gojangpii kahungle, sii gudakii Hebru latpii katam rok hangninii Inii shiile.’

TIILAMLWI KAPYIIMEI THA JUKAMATI 21:40

Sateichii mpounii ahgo mazhii- pyii sek-kii, Polnii pihai gam teito tusat tosii meimoi dateikii mpou- bahpii kahai takle; sateichii meimoi teinii malhiisu takle sek-kii mpounii Hebru latpii malhiisii ahnyiidakii tamle.

JONNII KARYII KABI RASAM JUKAMATI 15:20

Kikaleimei teinii ahmah apumpii sung kisii dibwi maklesii Inii gonyii dakii tam katu samtei maning gonglo, ahnyiinii n-gu tiikamage leponii; gonyii godo tiikamage tangle, ahnyiinii gusam swileponii, gonyii samdo switangle.

MARK 1:14

Jon dwi mpum kapyiipiigo kabang kikii kai kaleitai, Jisunii Galiliki liitsii Saraa mah sating sazyii mah kabi rasam tei tam ralipyiile.

2 KORENMEI 2:12

Krista mah kabi rasamtei tang ralipyii tam karam jangpii Inii Trosh ki kagong kak, teikito tha tiitang karam jangpii Bangpiinii pwidi laatpyii kabamtei Inii doutakle.

2 KORENMEI 11:7

Inii gonyii dakii Saraamah kabi rasam tamrali kapyii tinglang kitei Inii gonyii dato samah kado mai poipyii makle, gonyiigo poi sagoi tang karam jangpii gu roinapii Inii n-gu poisana pyiile.

1 THESOLONIKAMEI 2:8

Nyiinii gonyiigo lungkasyii jangpii Saraamah kabi rasam tei roisupii nyiimah karing katangpii nyiinii gonyiigo njai tang karam jangpii tiikada takle. Kadapokii gonyiinii nyiimah hangkapii lungka- syii teile!

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 PITAR 4:17

Kadapokii Samtak tiihao tang karam tinglang tei gongtakle, satei- chii Saraamah mei sek gotei samtak tiirei tangle. Samtak tei nyiidato tiihao takleponii, Saraamah kabi rasamgo malum kasumei mah kamaswi teinii kadapei tangpo?