PILIPIMEI 4:9 - KARANU KABI SAMTAM

⁹ Gonyiinii gudato ralikalu doukalu, shiikalu ninado ngoukalu hang ai tiilo; teito kamajungmah Saraa teinii gonyiigo kaswipyii tangle.

PILIPIMEI 4:9 Referans Kwoze

JEMS 1:22

Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.

PILIPIMEI 3:17

Gu kangsanamei, gonyii hang- nii gu jai karalimei tiipyiilo, sateichii nyiinii gonyii jangpii tiikamangou teitakumpii katat ahnyiigo tiigatpii julo.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

JONNII KARYII KABI RASAM JUKAMATI 13:17

Gonyiinii ai hang ai tiwosanii, teihang tei tiiwo leponii, gonyii sadoi bile.

PILIPIMEI 4:7

Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

2 KORENMEI 13:11

Sateichii aitoinii gukangsanamei, bisii bamlo! Bimatui bimasang kabui tiilo! Inii khangkalei hangtei shiilo; hangninanii hangniniigo kaning bisii, majung makungsii lunglo; teitii leponii, lungkasyii ninado kamajung kamakung mah Saraa teinii gonyiigo kaswipyii tangle.

LUKNII KARYII KABI RASAM JUKAMATI 6:46

“Inii gonyiigo katam tei tiisupiinii kadajangpii gonyiinii n-gu Bangpii, Bangpii sii lat leipo?

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

METIU 7:21

“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

2 THESOLONIKAMEI 3:4

Sateichii nyiinii kapyii kakhatsam tei gonyii- nii tiisii leile, ninado tiido tiitangle katu tei gonyiimah kaang kito nyiinii Bangpii zei kito maning malumle.

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

ROMMEI 15:33

kamajung mah Saraa teinii gonyii hang go kaswipyii matulo, Amen.

JONNII KARYII KABI RASAM JUKAMATI 2:5

Jisu pwinii kikaleimei dakii tamle, “Mpounii gonyii dakii katam tei tiilo.”

LUKNII KARYII KABI RASAM JUKAMATI 8:21

Nlenii mpounii ahnyii dakii khekalatle, “Saraa mah samtam tei shiiwosii swi kalumei hangtei gu pwile ninado gu sanameile.”

1 THESOLONIKAMEI 2:14

Kadapokii kangsanamei, Judiya kito kalei, Jisu Krista dato kalei Saraanii lat mpat kalumei jai karalimei tei tiitakle; kadapokii ahnyiinii Jehudimei dato kamage kalak doukatu takumpiinii, gonyii- niido tei takumpii njoisii gonyiinii gonyiimah sazyii kito kaleimei dato kamage kalak tei doutakle.

1 KORENMEI 10:31

Teijangpii gonyiinii chii kado mak-kii sak kado, mak-kii gonyiinii katalyii tiikido, Saraa mah pumtei kava jangpii tiilo.

TIILAMLWI KAPYIIMEI THA JUKAMATI 9:6

Nlenii tusat tosii namdi kitei liitlo, sateichii nangnii kada dapei tiitangpo katu Inii godakii tampyii tangle.”

2 TIMOTHI 4:22

Bangpiinii gorangii go kaswi pyii matulo. Jumage kapyii tei gonyiihang go kaswipyii matulo.

1 KORENMEI 14:33

kada- pokii Saraanii karampou mah Saraa makle, nlenii kamajungle. Kamalum meimah charsh hang kito tiikalei takumpii,

JONNII KARYII KABI RASAM JUKAMATI 15:14

Inii gonyii dakii kapyii kakhatsam hangtei gonyiinii swileponii, gonyii ai gu kangmei hangle.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

1 KORENMEI 4:16

Teijangpii Inii gonyiigo khangleile, gonyiinii gumah jairali taiswilo.