PILIPIMEI 4:8 - KARANU KABI SAMTAM

⁸ Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

PILIPIMEI 4:8 Referans Kwoze

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

2 KORENMEI 8:21

Ka- dapokii Saraa doito roisupiinii, mei doitodo kadatei kasangpo katu ai nyiinii tiitang karam teile.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

HEBRUMEI 13:18

Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

TAITAS 1:8

nlenii meigo pyiichii pyiisak kati, kabigo kamarei, mpou roinapii mpou lungswigo apum katii, kasang katii, kamatei, mpouroinapii mpou pumgo jum matwi kabuimei tang karamle;

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

1 JON 3:18

Gunahmei, nyiinii samkangpii ninado sam katam kamalhiipii lungsyii sude, nlenii tha teipii sateichii kasang teipii kalungsyiide.

TAITAS 2:2

Kamalum kito, lungkasyii kito, sateichii lung leh kati kito sangting wokabui tiisii lung manoilo, nrou sangam tilo, sateichii mpouroinapii mpou pum jum matui tilo, katupii sapfiimei katingmeigo tam ralipyiilo.

2 KORENMEI 13:7

Nlenii jaikaju tei nyiinii doukalu takumpiinii ngou matu tang karam jangpii makle, nlenii jaikaju tei nyiinii tiidou kalak takumpii ngoutusii leikado, gonyiinii kasangtei tiimatu wokabui tiisii, gonyiinii tiima kasu tiisii nyiinii Sa- raago riita leile.

KOLOSIMEI 4:5

Gonyiinii tinglang kabi kadouta tei jum matousii, sabato kaleimei dateito gonyiinii sakaisii tatlo.

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

ROMMEI 13:3

Kadaponii apum katiimei teinii kabi tha katii kito tiimahing makle, nlenii kashyii tha kitole sateichii nangnii apum katiimah teimaham kito kabam mei gotei hinglakpo? Kabi tei tiilo; teitii leponii apum katiimei dato nangnii tam kamatoi tei doutangle:

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

PILIPIMEI 3:1

Kalui kito, gu kangsanamei, Bangpii zei kito ntalo, gonyii dakii asung ryiikalei hangtei nlailoisii Inii gonyii dakii ryiiloi tang karam ai n-gu tiikamage makle, nlenii Inii tiileponii gonyii jangpii bibwi tangle.

ROMMEI 2:29

Nlenii alungto Jehudimei katii teipii Jehu- dimeile sateichii ryiikabam agekpii supiinii rangiipii alungmah tiigyii kamalem, teipii kasang tiigyii kama- lemle mpougo tam kamatoi teinii meinah dato makle, nlenii Saraa datole.

1 TIMOTHI 2:2

sagongbam ninado kasagoibam kito bamkaleimei hang jangpii, riita kakhang, kariita, kakimei hangninii jangpiinii kakhang sateichii hakalang sam katam hangtei Saraa dakii meihang jangpii tiipyiilo.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

IPISAMEI 6:14

Teijangpii kasang teipii kakee kak kabam haikak tiisii, sateichii kasang kamajyii teipii gonyiimah takoumah kokryii tiisii,

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

IPISAMEI 4:25

Teijangpiinii kasang kasu tei rat toi aisii, gonyiihangnii mpou mpoumah kitiinah napameigo ka- sang tei tamlo. Kadapokii nyiihang ai Kristamah pum kito kaswisii kaleimei hangle.

2 KORENMEI 6:8

Nyiigo sadzyii ngariit tiile sateichii tiido tii-nrou tiisangam pyiile; nyiigo kalet kalou tiile ninado tamdo tam matoile. Nyiigo kachuimei takumpii tiile, nlenii nyiinii kasang tei tamle,

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

JONNII KARYII KABI RASAM JUKAMATI 7:18

Mpoumah teimaham kito tam kalei ah teinii mpouroinapii mpougo tam kamatoi fiileile, nlenii mpougo lang kamagong ahgo tam kamatoi fiikalei ahteinii kasangle sateichii kasang kasu tei ah dato gale.

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.

MARK 6:20

Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

LUKNII KARYII KABI RASAM JUKAMATI 16:15

Nlenii Jisunii ahnyii dakii tamle, “Gonyiinii sazyii pouryiimei mik doito kasamsang meilesii tiimangou leile, nlenii Saraananii gonyii lungtei tile; kadapokii sazyii pouryiimei doito poi kasagoi tei Saraa mik doito ngou kasaba teile.

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

TIILAMLWI KAPYIIMEI THA JUKAMATI 22:12

“Sateichii teibam kito kalei Jehudimei hangnii kahi kalei, ajai tingshang taiswisii Saraago kama- lum mei Ananiyas sii lat kalei sapfiimei hangninanii guda gongsii,

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

1 TIMOTHI 5:2

sapwimei katingmeigo pwimei takumpii, sateichii sapwimei kara- numeigo go taipwi takumpii lung matei sageisii katwikai pyiilo.

LUKNII KARYII KABI RASAM JUKAMATI 23:50

Aitoinii Arimati sii kalat Jehudimei nam namdi kito lungkalei Joseph sii kalat sapfiimei hangninii bamle, mpou ai samtak katii katingmei kak ki kahaimei mei kabi sateichii kasang kamajyiimei hang- niniile;

1 TIMOTHI 3:4

Mpou nahmeinii mpougo katam swisii, sateichii mahlyii hang kito sadzyii ngariit tiimatusii mpouki kalung mpung go ahnii tiigatpii jumatou kabuimei hangninii tiitang karamle.

TIILAMLWI KAPYIIMEI THA JUKAMATI 6:3

Teijangpii kangsanamei, rangii kamateipii ninado swirek kabi piinii tokryiisii kalei sapfiimei sana ai gonyii kak kito kalai wolo, sateichii nyiinii ahnyiigo tha ai phyiiryiikii bam kaipyii tangle.

METIU 22:16

Sateichii ahnyii- nii Herot tai kaswimeigo kaswisii ahnyii mah boumeigo lang magongsii tam matule, “Madhiikapyiipii, nangnii kasangle, sateichii Saraamah kasang pwidi tei kasang kasangpii ralipyiile sateichii mei kagodo hingmakle katu nyiinii tile, kadapokii nangnii mei-ju juleimakle.

HEBRUMEI 11:2

Kadapokii ndou kareimei hangnii ahnyiimah kamalum tei- piinii Saraamah kamazhii sakchyii tei douwole.

1 TIMOTHI 3:11

tei takumpii sapwimei teiniido jairali bitang karamle, sateichii samlat moilak tang karamle, nlenii ahnyiinii mahlyii hang kito lung manoi tangle, sateichii malum kabuimei tang karamle;

2 KORENMEI 8:18

Kabi rasam tam ralikapyii tha katii jangpii Charsh hang kak kito meihangnii tiigatpii jutisii kalei kangsanapiigo kaswisii mpougo nyiinii lang magong leile.

2 PITAR 3:1

Lungkasyiimei, aitoinii ai ai Inii gonyii dakii karyii hangna kashang chitile; chiti hangna-napui kiteito gonyiigo tam maningsii gonyiimah kasamsang lungswi gotei lung tiimadi tang karam jangpii Inii tiitakle,

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.