PILIPIMEI 4:6 - KARANU KABI SAMTAM

⁶ mah kata hangninii jangpiiniido lungnaang sulo, nlenii gonyii mah kariita hang kito tinglang kaleita hakalangmah lungteipii gonyiinii kamarei hangtei Saraa dato khanglo.

PILIPIMEI 4:6 Referans Kwoze

1 PITAR 5:7

Gonyiimah swi kamage katu hangtei mpou dakii pyii ailo, dapodinchii gonyii jangpii mpounii jupyiile.

METIU 6:8

Ahnyii takum sulo, kadapokii gonyiinii khang kasuniito gonyiinii kamarei hangtei go nyii Pfiinii tile.

KOLOSIMEI 4:2

Kariita kito nlaisulo, sateichii Saraago hakalang tamsii gonyiinii riitasii kalei kito machyiigatlo;

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

LUKNII KARYII KABI RASAM JUKAMATI 18:1

Sateichii ahnyiinii taksupiinii riita tang karam ninado lung tailak tang karam jangpii mpounii ahnyii dakii ndasam hangninii tamle.

LUKNII KARYII KABI RASAM JUKAMATI 12:22

Sateichii mpounii mpou boumei dakii tamle, “Aijangpiinii Inii gonyii dakii tam leile, ringtang karam jangpii gonyiinii kadapei chiitangpo sateikii gonyii pum jangpiinii kadapei nhiitangpo sii lungnaang sulo.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

IPISAMEI 5:20

Nyii Bangpii Jisu Krista zei kito Pfii Sa- raago mahlyii hang jangpii tinglang kaleita hakalang tei pyiilo.

LUKNII KARYII KABI RASAM JUKAMATI 10:41

Teito Bangpiinii mpoupeigo khekalatle, “Martha, Martha! Nang- nii tha kamoi jangpii lungnaangsii kamage takle.

LUKNII KARYII KABI RASAM JUKAMATI 18:7

Sateichii Saraa dato tinghum tingna khangsii kaleimei, kalai kalu ahnyii jangpii mpounii shiipyii lakpo? Mpounii ahnyiigo tiiha kalang lakpo?

METIU 10:19

Ahnyiinii gonyiigo pyiikatoi kak kada takumpii mak-kii kadapei tam tangposii gonyii lungnaang sulo, kadapokii kadapei tam tangpo katu tei teitinglang kinii gonyii dakii pyiitangle;

LUKNII KARYII KABI RASAM JUKAMATI 12:29

“Sateikii gonyiinii kadapei chiitangpo ninado kadapei sak tangpo sii fii sulo, sateichii gonyii lung maning kariirhii sulo.

2 KORENMEI 1:11

Gonyiimah kariita teipii gonyiiniido nyii jangpii tiiha tang karamle, dapokii nyii jangpii riita khangkalei hangtei khepyii matu tang karam, sateichii Saraanii nyiigo satoi pyiimatu tang karam, sateichii mei moinii rok sa- goisii nyii jangpii mpougo hakalang tam matu tang karam jangpiile.

1 KORENMEI 7:32

Gonyiinii lungnaang supii kalei Inii mareile. Kalakna tiikasumei teinii Bangpii dzyii karanga tei kada takumpiinii tiitangposii Bangpii tha tiitang karam jangpii lungnhiile;

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

1 KORENMEI 7:21

Saraanii n-go kalat kak, nang ki kabangnah tiileipo? Bitakle, lungnaang sulo, nlenii gomah laat mpat kapyii tei nangnii douwo buileponii, teitei kisii poisii tha tiilo.

METIU 6:34

Teijangpii supounei jangpii lungnaang sulo, kadapokii supounei tei ah-jangpiinii lungnang tang karam hangkii leitangle. Tingneikii mah mage teiroinii teipiinii teileimik mah tei bui matulo.

1 TIMOTHI 2:1

Teijangpii karei reisang kito Inii tam katwi leile, katunii, nyiinii Saraago sadzyii ngariit tiisii sateichii koira gasii ninado majung makungsii lungtang karam jangpii,

1 TIMOTHI 5:5

Mei kado jukasei kaga, mpoupei roinapii kalei kamipwimei teinii mpoupeimah maning kamalum tei Saraa dakii satsii ninado taksupii riitasii mpoumah tiikaha tei tinghum tingna khangsii leile.