PILIPIMEI 4:5 - KARANU KABI SAMTAM

⁵ Gonyii lung kamanoi tei mei- hangnii timatulo, Bangpiinii kalangsii gong leile.

PILIPIMEI 4:5 Referans Kwoze

METIU 6:25

Teijangpiinii Inii gonyii dakii tamleile, gonyiinii ringtang karam jangpii kadapei chiitang, kadapei saktang sateichii gonyii mah pumpot jangpii kadapei kaitangposii lung- naang sulo. Karing ainii kachii kasak sung maitingki makpo? Sateichii pumpot ainii peimani sung kisii maitingki makpo?

TAITAS 3:2

mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

HEBRUMEI 10:37

Kadapokii kabi rasam kito tamle, “Tinglang shangniikii tai gongtang karam ahtei gong tangle, sateichii ahnii rilakle.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

1 KORENMEI 6:7

Gonyii hangni ninago siiset kapung teinii gonyii jangpiinii kagale, teisungnii gonyii jangpii ma kalei teinii bibwi makpo? Teisungnii gonyii jangpii choiraga kalu teinii bibwi makpo?

HEBRUMEI 10:25

Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

1 KORENMEI 8:13

Teijangpiinii Chiitak teipii gosanapiigo kem tiimatusii lei le- ponii, gosanapiigo kem kikii tiikailak tang karam jangpii Inii nlailoisii kamyii tei chiisang chiiloi lakle.

METIU 6:34

Teijangpii supounei jangpii lungnaang sulo, kadapokii supounei tei ah-jangpiinii lungnang tang karam hangkii leitangle. Tingneikii mah mage teiroinii teipiinii teileimik mah tei bui matulo.

MATIMANGOU KAPYII 22:20

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

1 KORENMEI 9:25

Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile.

2 THESOLONIKAMEI 2:2

katunii, rangii kado, samtam piinii kado, nyiinii karyiigo njoi chiti piinii kado, Bangpiimah leimik aitoi gongtakle katu teipii gonyiimah kamaning lungswi kito kalangsii tiirampou matu sulo, mak-kii lung tiimatai matu sulo.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

1 KORENMEI 16:22

Bangpiigo lungsyii kasumei hang teinii sheeng kapyii tei doumatulo!

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.