PILIPIMEI 4:17 - KARANU KABI SAMTAM

¹⁷ Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

PILIPIMEI 4:17 Referans Kwoze

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

1 PITAR 5:2

Tiirou tiirousii katii teipii supiinii, tiinyii tiinyiisii katii teipii sateichii seh sanahgo lunyii supii lung liitsii, gonyii kak kito kalei Saraamah Jaokoi gotei jumatou pyiilo;

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

PILIPIMEI 4:11

Inii tang kasu jangpii tam makle, kadapokii Inii kabam gumah teipii shaatsii lung- tang karam tei Inii ralitakle.

1 THESOLONIKAMEI 2:5

Kadapokii gonyiinii tisii kalei takumpii, nyiinii tam ka-mbisam, mak-kii kadi chiikanyii, mak-kii jai katii madou kado tiilei makle, Saraanii sakchyiile!

2 KORENMEI 9:5

Teijangpii gonyiinii pyiitanglesii tam kabam tei, reipii tiida matu tang karam jangpii ai kangsanamei hang aigo gudoi reisii gonyii dakii lang magong matusu shyii taklesii Inii maning takle. Teitii leponii Inii kagong kaktei tiikada kabui jangpii sateichii gonyiinii pyiisu shyiile katu jangpii pyiisupanii, gonyiinii pyii kanyii jangpii pyii leile katu tei mangou kabui jangpii.

ROMMEI 15:28

Teipiinii ai tha ai Inii tiisang aisekchii sateichii ahnyii jangpii poi ndwi kalu sana hangtei ahnyii bah kikii pyii aitakle sekchii, Inii Spen ki gongtang karam jangpii tat tutangle, sateichii teiki pwidi tat leibangpii Inii gonyiigo kadou tangle.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

2 KORENMEI 11:16

Inii tamloi leile: mei kaniido n-gu swi kagamei lesii maningsei matu sulo; nlenii gonyiinii maningle leponii, Iniido chengniikii detdi kabui jangpii, swi kagamei hangninii takumpii n-gu lukaipyiilo.

JUD DATO KAGONG CHITI JUKAMATI 1:11

Ahnyii jangpiinii kadaziikapii kamagepo! Kadapokii Ken mah pwidi tei ahnyiinii swiwo takle, sana jangpii Balam mah kama kiteikii ahnyii roinapii ahnyiigo pyii aitakle, Koranii rangkapa takumpii ahnyiinii rangpale sateichii Kora takumpii ahnyiigo tiimaga aitakle.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

1 TIMOTHI 3:3

ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

2 PITAR 2:15

Kasang pwidi gotei rat toi aisii ahnyiinii dhiisii tat tutakle, kashyii tha katii kito liipat kamarei, Beor nah sapfii mpou Balam mah pwidi tei ahnyiinii swiwo takle.

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.