PILIPIMEI 4:12 - KARANU KABI SAMTAM

¹² Kada takumpii mah gasii sana tangpo Inii tile, sateichii kada takumpii moi- tangpo Inii tile. Bamlyii hang kito sateichii tinglang kaleita katokryii kitodo, kamazyii kitodo, kamoi kitodo, tangkasu kitodo, kamakum tei Inii raliwo takle.

PILIPIMEI 4:12 Referans Kwoze

METIU 11:29

Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle.

2 KORENMEI 11:27

Tha katii ninado kamage leh katu, tinghum hangkii Inii zyiikasu, Inii moi kamazyii ninado kasaryii, tak chiisupii, sateichii peimani kaisupii leile.

2 KORENMEI 11:9

Inii gonyiigo kaswisii kalei kak sateichii Inii sana kamarei kak, Inii meigo kado tiikamage makle, kadaponii gumah kamarei hangtei Mesidoniya kito kagong kangsanameinii fiipyiisii leile. Teipiinii Inii gonyiigo tiikamage makle, sateichii aitoido mak-kii madou kado Inii gonyiigo tiikamage lakle.

2 KORENMEI 11:7

Inii gonyii dakii Saraamah kabi rasam tamrali kapyii tinglang kitei Inii gonyii dato samah kado mai poipyii makle, gonyiigo poi sagoi tang karam jangpii gu roinapii Inii n-gu poisana pyiile.

2 KORENMEI 10:10

Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.”

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”