PILIPIMEI 3:8 - KARANU KABI SAMTAM

⁸ Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

PILIPIMEI 3:8 Referans Kwoze

ROMMEI 8:18

Dapodinchii aitoi tinglang mah kamage kalak leh kalei tei nyiidakii mangou tang karam pumtei kava gotei nda tiipei lakle katu tei Inii maningle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

PILIPIMEI 3:7

Nlenii Inii katonglesii fiikabui hangtei, kagalesii Krista jangpii Inii aitoinii poitakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

1 KORENMEI 2:2

kadaponii Inii gonyiigo kaswi kalei kak, Jisu Kristago ninado mpounii krosh gamto taikapyii teisupiinii, mahlyii hangtei Inii mangai aitang takle katupii gulung swi satto takle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

JONNII KARYII KABI RASAM JUKAMATI 17:8

Kadapokii nangnii gudakii kapyii samhang tei Inii ahnyii dakii pyiitakle sateichii ahnyiinii teitei lukaiwo takle, sateichii Inii godato gongle katu tei ahnyiinii kasangpii titakle sateichii nangnii n-gu lang magongle katu tei ahnyiinii malum takle.

JONNII KARYII KABI RASAM JUKAMATI 14:20

Teipiinei leimik tei gongsekchii, Inii gonyii dato kalei takumpii, Inii Pfii dato leile sateichii gonyiinii gudato leile katu tei gonyiinii tigong tangle.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

JONNII KARYII KABI RASAM JUKAMATI 14:7

Gonyiinii n-gu titakleponii, gonyiinii gu Pfii godo titang takle, aitoisekpii gonyiinii mpougo titakle ninado ngoutakle.”

IPISAMEI 4:13

Teipiinii nyiimah kamalum ninado Saraa nah sapfii mpougo nyiimah swirek kati kito hangninii tiisii kalei nitei nyiihangnii kaswisii gong ndwi tangle, sateichii nyiinii Saraago kamalum tei Krista takum sekpii miwosii, nyiinii mishang kalumei hangninii tiitangle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

2 TIMOTHI 4:6

Kadapokii gujangpiinii karat toitang karam tinglang toi gongtakle; ai karing aigo toi aitang karam tinglang tei aiki leitakle.

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

1 PITAR 2:7

Teijangpii gonyii malum kalumei jangpiinanii, mpou ai maiteengle, nlenii malum kasu ahnyii jangpii- nanii, “Ki katiimeinii maikaga kuitulesii mazhiikasu tei hangkak kito roukatii ndat takle.”

GALATIMEI 1:16

sa- teichii Inii luikakimei hang dakii mpoumah kaang kito kabi rasam tam ralipyii tang karam jangpii, mpounii mpounah sapfii mpou gotei gudakii mati mangou tang taklesii satto sek- kii, Inii pum ninado zaigo kaswisii rashii makle,

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 KORENMEI 9:10

Mpounii nyii jangpiinii tam leimakpo? Nle, ai ai nyii jangpiinii ryiibam takle, kadaponii lu rak kaleipii teinii njai dou njoi tangle katu mah maning kamalum kito lu rak tang karamle, sateichii lu karachetpii teinii njai dou njoi tangle katu mah maning kamalum kito rhiitei rachet tang karamle.

JONNII KARYII KABI RASAM JUKAMATI 20:13

Teito ahnyiinii mpoupei dakii tamle, “He, sapwi mpei nang kadajangpii hat leipo?” Mpoupeinii ahnyii dakii tamle, “Dapodinchii ahnyiinii gu Bangpiigo poitoi aitakle sateichii ahnyiinii mpougo kada kikii kai aitakpo Inii tisutakle.”

LUKNII KARYII KABI RASAM JUKAMATI 11:20

Nlenii Saraa mah bah jungna mah tiikaha kito sara kashyiigo baatoi lepochiinii, Saraa mah Sating sazyii tei gonyiida gongtakle.

LUKNII KARYII KABI RASAM JUKAMATI 1:43

Gu bangpii pwinii guda kagong, gudato doi kabi ai kada kitopo?

ROMMEI 8:39

kasagoinii kado, kathok- nii kado baichem hang kito mah kata hangninii kaniido, nyii Bangpii Krista Jisu dato kalei Saraamah lungkasyii ki teito nyiigo chyii kapakpei wolakle.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PILIPIMEI 3:12

Aitoinii Inii doutakle mak-kii bimatui takle katumah makle, nlenii Krista Jisunii n-gu mpou dakii jum- kai kapyiimah alangh tei doutang karam jangpii Inii mahungsii tiileile.

2 PITAR 1:2

Saraago sateichii nyii Bangpii Jisugo mashangsii kati kito jumage kapyii ninado kamajung tei gonyii dato moibui matulo.

2 PITAR 1:8

Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.