PILIPIMEI 3:19 - KARANU KABI SAMTAM

¹⁹ Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle.

PILIPIMEI 3:19 Referans Kwoze

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

KOLOSIMEI 3:2

Sagoi gamto kalei mah pot hang kiteikii gonyii lungswi tei keilo, sazyii pouryii aikito kalei mah pot hang kiteikii kaisulo.

2 PITAR 2:1

Nlenii meinah kak kito kasang kasu lungkakalingmeido patle, teitakumpii, gonyii kak kito kasang kasu ralikapyiimeido pat tangle. Ahnyiigo lai mpat kapyii pumpii gotei ahnyiinii mazhii supii, tiika- mashyii kasang kasu kanat kanhii hangtei ahnyiinii pung gong tangle, sateichii ahnyii roinapii ahnyiinii ahnyii phyiiryiikii binasek-kii tiikamashyii tei pung gong tangle.

2 KORENMEI 11:15

Teijangpii mpouki ki kaleimei hangteinii ahnyii roina- piinii ahnyiigo kasang kamajyiimah kikaleimei takumpii jai reisii tiiwo kido, teiteinii sung kaga sam makle; ahnyiimah tha taiswisii doukamajyii tei kalui kito ahnyiinii doutangle.

2 KORENMEI 11:12

Nyiinii tiikalei takumpiinii ahnyiiniido tiilei lesii tam katu sateichii tiilamlwi kapyiimei kaki- meinii detdi tang karam kaang gamatu tang karam jangpii Inii aitoi tiikalei ai Inii tiisii leihum tangle.

2 PITAR 2:13

Sateichii ahnyiinii kamage kalak tii ka-mpat jangpii ahnyiigo kamage kalak teipii pow ruitangle. Tingna kava kito mah kata hangninii tiisii ahnyiimah pum- zainii kamarei ka-ntha hang gotei kashaat pyiitang karam tei ahnyii jangpii kasamou teile; ahnyiinii gonyiigo kaswisii malotdo chii njoile, nlenii ahnyiimah jairali teinii ka-nrou ninado kasangam teile. Gonyiigo kasang kasu sam tamsii hem kalei kiteito ahnyiinii samousii bamle!

GALATIMEI 6:13

Kadapokii tiigyii malem kaleimei katangpiinado ahnyii sekpiinii ajaitingshang tei swimakle; nlenii ahnyiinii gonyiimah pumzai kito detdi wokabui jangpii, gonyiigo tiigyii malem matunyiile.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

1 KORENMEI 3:3

Kadaponii gonyii aitoi katangdo pumzai kito leile, kadapokii gonyii kak kito kamaimhii sateichii n-girazyii kalei tei teipii, gonyii pum zaimei makpo, sateichii meidamei takumpii gonyiinii tatlei tak makpo?

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

JUD DATO KAGONG CHITI JUKAMATI 1:16

Aimei ainii manam maraangsii meigo tam kamashyii, lung kashaat kagameile. Ahnyiinii ahnyiimah pumzainii kamarei ka-ntha hangtai tei swile, ahnyii roinapii ahnyii sam tam mbile sateichii ahnyii bak kabi doukabui tiisii ahnyiinii meisam tam ka-mbijai tiisii tam leile.

2 TIMOTHI 3:4

malumpei kalak, rumrumsii adok tiikasu, kashyii kahong swipii katokryii, Saraago lungkasyii sung pumzai mah kasamou go kisii kamarei.

1 TIMOTHI 6:5

sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

PILIPIMEI 2:21

Kadaponii ahnyii hangnii mpou mpoumah tiikanyii pungkanyii tei fiile, Jisu Kristamah teinii fiimakle.

1 KORENMEI 5:6

Gonyii mah det kadi tei bimakle. Ahee chengniikapii athok tom hang gotei toupat matu woleile katu gonyiinii timakpo?

1 KORENMEI 5:2

teitii leponii kada takumpii gonyiinii detdiwo tangpo? Gonyiinii swi kashyiipii tokryii kajyiimakpo? Ai kakum tha tiikalei mei gotei gonyii kak kito poitoi maleilo.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

JEMS 4:16

Nlenii aitoinii gonyiinii det palhii tiile, ninado aghang tiile. Tei kakum aghang katii hang ai kashyiile.

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

LUKNII KARYII KABI RASAM JUKAMATI 18:4

Ting- lang shangniikii katang tei mpounii mazhiipyii sutakle; nlenii tei tainii mpounii mpou lung kito tamle, ‘Inii Saraago hingsu kado sateichii meigo sadzyii ngariit tiimak kado;

LUKNII KARYII KABI RASAM JUKAMATI 16:19

“Mah kanimei hangninii bamle, mpou ai peimani kabi mai kateeng kateeng kaisii kasamou tiilung lungsii sating kata bam leile.

LUKNII KARYII KABI RASAM JUKAMATI 12:19

Sateichii Inii gu rangiigo tam tangle, Rangii, Inii gojangpii mah hangkii koibam takle tingkum hangkii jangpii; ntak kiilo, chiitulo, sak tulo, samousii nta tulo.’

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 16:23

Nlenii mpounii nryiigong Pitar dakii tamle, “Gudato tat tulo, seitan! gujangpii nang pi kapiiswi hang- niniile, kadapokii gomah kamaning lungswi hang ai Saraa dato gong makle, nlenii meinah datole.”

MATIMANGOU KAPYII 18:7

Mpoupei roinapii mpoupeigo tam matoi katu ninado hangkapiinii kasamou pyii katu takumpiinii, teiziikii kamoi kamage kalak ninado madaksii magee katu tei mpoupeigo pyiilo. Kadapokii mpoupeinii mpoupei lung kito tamle, ‘sagong nou tiisii Inii bamle, laksimei makle, madaksii magee katu tei Inii ngousang ngoulakle!’

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

ROMMEI 6:21

Nlenii aitoinii gonyiinii ka-nrou tha tiikalei hang kiteito gonyiinii kadapei liipat dou wopo? Teihang mah kito doukalu teinii katai teile.

2 THESOLONIKAMEI 1:9

Bangpiinii mpoumah kamateimei hang dato tam kamatoi doutang karam, sateichii kamalum meihang teinii sung gamatu tang karam jangpii, (dapokii nyiinii gonyii dakii kapyii sakchyii tei gonyiinii malum wotakle,) mpounii kagong piinei, tei kakum meihang teinii kalui gasii tiikamaga mah kadwi karat sateichii Bangpii kalei nito sateichii mpoumah teimaham kadimah pumtei kava kiteito poitaam katu tei ahnyiinii doutangle.

JUD DATO KAGONG CHITI JUKAMATI 1:10

Nlenii aimei ainii ahnyiinii tikasu mahlyii hang phyiiryii teikii kalet kalou katiisam tamle, sateichii swikaga saram kounah takumpii, maningsupii tibak kalu aihang aipiinii ahnyiigo tiimagale.