PILIPIMEI 3:18 - KARANU KABI SAMTAM

¹⁸ Gonyii dakii ai ai biniiroi supii asungdo Inii tam takle, sateichii aitoido Inii mikdwi njasii tam loileile; katunii, Kristanii Krosh gamto kataigo ahnyiimah karing teipiinii ahnyiigo kangourou matu katu meihangkii leile.

PILIPIMEI 3:18 Referans Kwoze

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

GALATIMEI 6:12

Pumpou lamto kabi tei tiigatpii mangou kanyiimei hang- teinii gonyiigo tiigyii malem matu tang karam jangpii pumtei tiisii leile, Krista mah krosh jangpii ahnyiigo kaset kalak pyii matulak tang karam jangpii roiniile.

GALATIMEI 2:14

Nlenii ahnyiinii kabi rasam mah kasang teitei swisii majyiisii tat makle katu tei Inii ngou wosek-kii, ahnyii hang doito Inii Pitar dakii tamle, “Nangnii Jehudimei hangninii tiisii leikado, Jehudimei mah ajaitingshang takumpii tat supiinii, Jehudimei kasu luikakimei takumpii tat leponii, nangnii lui kakimei hang go Jehudimei takumpii lung matu tang karam kada takumpiinii atei tiitangpo?”

GALATIMEI 1:7

Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

2 PITAR 2:10

(a) Routiisii matei kasu pumzaimah kamarei ka-ntha mah tha hang tiisii kaleimei ninado Saraamah teimaham go maning kamajaangmei jangpiile. (10b) Ai kasang kasu ralikapyiimei hang teinii lungdile sateichii detdile, ahnyiinii sagoi gamto kalei pumtei kava kadi hang gotei tam mashyii hingmakle;

1 THESOLONIKAMEI 4:6

Sateichii mei kata hangninaniido mpou sanapiigo aikaang kito tiima- jusii kama tei tiilak tang karamle, kadapokii nyiinii gonyii dakii tiiloi sulosii reipii kakhat kabam sateichii sakchyii pyii kalei takumpii, aihangmah kaang kito powrui tang karam teinii Bangpiile.

PILIPIMEI 1:4

Inii gonyii hang jangpiinii kariita-ta tei Inii ntasii riitale,

GALATIMEI 5:21

kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.

GALATIMEI 2:21

Inii Saraamah jumage kapyii tei kadak matu makle. Kadaponii ajai- tingshang teipii meinahgo tiimajyii tiimatuipyiile leponii, Kristanii kaang gasii taitakle.

2 KORENMEI 11:29

Mei kata hangninanii rangii suisii kalei tinglang kak, Iniido suisii leile; mei kata hangninanii kemki tak kaliit tinglang kak, Inii samou kasu teipii tokryiile.

2 KORENMEI 11:13

Kadapokii tei kakum meihang teinii kashyii tha katii, ahnyii roi- napiinii Kristamah kasang tiilamlwi kapyiimei jai tiisii kalei, kasang kasu tiilamlwi kapyiimei teile.

2 KORENMEI 2:4

Inii chiti tei karyii tinglang kak, Inii hang- kapii swi shyiisii lung kamagesii ninado hatsii leile; gonyiigo lung tiikamage tang karam jangpii makle, nlenii Inii gonyii hang go kada- ziikapii lungsyiipo katu tei timatu tang karam jangpiiniile.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

1 KORENMEI 1:18

Kadapokii Kristanii Krosh gamto kataimah samtam ai magasii kaleimei jangpiinii kamangle, nlenii keikapyii doukalu nyii jangpiinii teitei Saraa mah teimaham teile.

ROMMEI 9:2

Katunii, Inii gulungto hangkapii kamage sateichii taksupii katchii tei doule,

LUKNII KARYII KABI RASAM JUKAMATI 19:41

Sateichii mpounii pi manang sek-kii, namdi tei ngou wosii, teijang teipii hatsii tamle,

JUD DATO KAGONG CHITI JUKAMATI 1:13

Ahnyiimah ka-nrou tha hang gotei dwi kito maribok boksii kalei dwi mahom takumpii mangou kalei, dwi- jaimah ngoukahing dwi n-noukalei takumle, jungpi jungpatsii kalei sageiti takumle, ahnyii jangpiinii tuk kaki kamyii kalui kaga bamtei Bangpiinii tiidabam takle.

2 THESOLONIKAMEI 3:11

Kadapokii gonyii kak kito mei kangkii mahat kashyii tiilung lungsii, tha tiisang tiisupii, katijai tiisii leile katu nyiinii shiile.

TIILAMLWI KAPYIIMEI THA JUKAMATI 20:19

Katunii, Inii hang- kapii lung manoisii, mikdwi kapat ninado Jehudimeinii n-gu makumpii jumtang karam kito n-gu ajai kaju kapat tei njasii Bangpii mah nga ngasii;

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.