PILIPIMEI 3:12 - KARANU KABI SAMTAM

¹² Aitoinii Inii doutakle mak-kii bimatui takle katumah makle, nlenii Krista Jisunii n-gu mpou dakii jum- kai kapyiimah alangh tei doutang karam jangpii Inii mahungsii tiileile.

PILIPIMEI 3:12 Referans Kwoze

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

PILIPIMEI 3:16

Nlenii kata kado, aitoi katang nyiinii swipi kalu njoi katu ajaihang taiswisii nyiinii doilam tatde.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

JEMS 3:2

Kadapokii nyiihang ai tiikama tei hangkii tiisii leile. Mei kata hangninanii ahmah tam kalei samtam kito tiisang tiima suleponii, ahnii ahmah pumpot hang godo jum majyii jum matuiwo buile, sateichii ahnii bikamatui meile.

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

GALATIMEI 5:17

Kada- pokii pumzai mah kamarei ka-ntha teinii rangiigo mazhii makle, sateichii rangiimah kamarei ka-ntha teinii pum zai go mazhii makle. Ka- dapokii gonyiinii kamarei kamarei tei tiimatulak tang karam jangpii, hangna ai hangninanii hangninago mazhii makle.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

2 KORENMEI 13:9

Kadapokii nyiinii suisii kalei tinglang ki sateichii gonyiinii teisii kalei tinglangki, nyiinii ntale, nyiinii riita kalei teinii gonyii mah bibwi tang karam jangpiile.

1 KORENMEI 13:10

nlenii bi- kamasang tei gong sekchii bimasang kasu ai gatu tangle.

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

HEBRUMEI 12:23

sating gamkii zei ryiikai kabam lung karei nah sapfiimei hang go ndwini sateichii samtak tiitang karampii Saraada, sateichii mei kabimeigo sajek kaga tiikapyii rangii hangda,

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

ROMMEI 8:39

kasagoinii kado, kathok- nii kado baichem hang kito mah kata hangninii kaniido, nyii Bangpii Krista Jisu dato kalei Saraamah lungkasyii ki teito nyiigo chyii kapakpei wolakle.

1 KORENMEI 9:24

Pak kamaga katu kitei pak tang karam meihang teinii kamagale, nlenii mei hangninasang hangninanii alangh tei douleile katu tei gonyiinii timakpo? Teijangpii gonyiinii teitei douwo kabui tiisii pak tulo.

1 KORENMEI 13:12

Kadaponii aitoi nyiinii ngoukalei ainii skhiibung kito myii mararyii ryiisii ngou kalei khiina hangninii takumle; nlenii atainii jukarapii kadou tangle. Aitoi Inii kati ainii timashang womakle, nlenii atainii (Saraanii n-gu tikamashang takumpii) Iniido mashangsii titang- le.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.