PILIPIMEI 2:9 - KARANU KABI SAMTAM

⁹ Teijangpii Saraaniido mpougo sagoisii tam matoi pyiisii, zei hang phyiiryiito kasat zei tei mpou dakii pyiitakle,

PILIPIMEI 2:9 Referans Kwoze

MATIMANGOU KAPYII 19:16

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”

HEBRUMEI 1:4

Mpounii sating gamlui hang doito kisii bikaki zei doukalu takum- pii, ahnyii hang doito teiziikapii kisii bikaki tei tiipyii takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

LUKNII KARYII KABI RASAM JUKAMATI 10:22

“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

2 PITAR 1:17

Kadapokii mpounii Pfii Saraa dato sadzyii ngariit katii ninado “Ai ai Inii lung kamaang, lungkasyii gunah sapfii mpou teile!” Sii tam kalei rok tei kasagoi pumtei kava dato mpouda kagong tinglang kaktei nyii leile.

KOLOSIMEI 1:18

Sateichii mpounii pum mah, katunii charshmah phyii kasat teile, mpounii mahlyii- hang kito abam karei tei doumatu tang karam jangpii mpounii kahao, ninado kataimeihang kak kito ring- khii karei manaa karei Nah sapfii mpou teile.

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

JONNII KARYII KABI RASAM JUKAMATI 17:11

Sateichii Inii sazyii pouryiito bamlak takle, nlenii ahnyiinii sazyii pouryiito leile sateichii Inii goda gongleile, kamatei Pfii, nyiinii hangninii katu takumpii ahnyiinii hangninii tiimatu tang karam jangpii, nangnii gudakii pyiikabam ahnyii aigo gozei kito koipyiilo.

JONNII KARYII KABI RASAM JUKAMATI 17:12

Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

2 THESOLONIKAMEI 1:12

Katunii, kadapokii nyii Saraa ninado Bangpii Jisu Krista mah jumage kapyii taiswisii, gonyii dato nyii Bangpii Jisu Krista zeigo tam matoi tang karam ninado mpou dato gonyiigo tam matoi tang karam jangpiile.

HEBRUMEI 1:9

Kasang kamajyii tei nangnii mareile, sateichii kama gotei ngouroule, teijangpii Saraanii, go Saraanii, go bemei doito n-go kisii ka-ntamah thao manukpyii takle.”

3 JON 1:7

Kadapokii ahnyiinii malum kasumei dato tiikaha tei samah kado lusupii Krista jangpii ahnyiinii ahnyiimah mbui thiitat tei tatpat takle.