PILIPIMEI 2:7 - KARANU KABI SAMTAM

⁷ Tei tungpii mpounii kama- zhii lungswi kito mpoumah kabam hangtei mpounii toi aitakle sateichii kikaleimei hangniniimah jailui tei mpounii poi wotakle, mpounii meinah hangninii tiisii lung wotakle, sateichii meinah mah njoi kito mpounii gongpyii takle.

PILIPIMEI 2:7 Referans Kwoze

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

ROMMEI 15:3

Kadapochiinii Kristaniido mpounii mpou roinago dzyiibi tiimakle, nlenii ryii kabam aitakumpiinii, “N-go dzyiikanui meimah dzyiikanui hangtei guphyiiryii takliit takle.”

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

LUKNII KARYII KABI RASAM JUKAMATI 22:27

Kadapochiinii kadapii bibwipo, kachii tinglang kak bam kajyiipii tei manii, mak-kii nga nga kajyiipii teipo? Kachii tinglang kak bam kajyiipii tei makpo? Nlenii Inii gonyii kakto nga kangamei hangninii takumle.

ROMMEI 15:8

Kadaponii Inii tam leile, peipaomei dakii riishii tiipyii kabam hangtei gongmatwi matu tang karam jangpii sateichii luikakimei hangnii mpoumah lungkasyii jangpii Saraa go tam matoi matutang karam jangpii,

PILIPIMEI 2:6

Mpounii Saraamah jailui kito tinglang kaleita leile, nlenii pumtei tiisii mpounii Saraago kamasam tang karam tei mpounii maning makle.

METIU 12:18

“Julo, Inii kalai kalu guki kaleipii, gu rangiinii hang- kapii lung kamang, gumah lung- kasyii, mpou phyiiryiikii Inii gumah rangii kaipyii tangle; sateichii mpounii Lui kakimei hangdakii gumah samtak tei tam matipyii tangle.

HEBRUMEI 13:3

Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.

ROMMEI 1:3

Nah sapfii mpou teinii Devit mah atat areng kito lungle;

MARK 9:12

Jisunii ahnyii dakii khekalatle, “Kasangle, Ilaijahnii gongrei tangle amahlyii tiikada tang karam jangpii, nlenii meinah sapfii mpou teinii kamage hangka leh-tangle sateichii mpougo mazhiilakle katu ai kada- jangpii kabi rasam kikii ryiibampo?

2 KORENMEI 13:4

Kadapokii kasui kiteito mpougo gi aitakle, nlenii Saraamah teimaham teipii ringsii leile. Kadapokii nyii ai mpou dato suile, nlenii gonyiigo kaswisii lung katu kito Saraamah teimaham teipii nyiinii mpougo kaswisii lung tangle.