PILIPIMEI 2:26 - KARANU KABI SAMTAM

²⁶ kadapokii mpounii gonyii hang go saryiisii lungswi hangkapii kamagesii leile, daponii mpou ranisii leile katu gonyii- nii shiitakle.

PILIPIMEI 2:26 Referans Kwoze

PILIPIMEI 1:8

Kadapokii Inii Krista Jisumah lungkasyii teipii njasii gonyiihang go kadaziikapii mangwisii leipo katu, Saraanii gumah sakchyiile.

IPISAMEI 3:13

Teipiinii Inii gonyii jangpii kamage kalak pungsii kalei jangpii gonyii lung tailam nlaitu sulosii Inii gonyiigo khang leile; Ai hang ai gonyiimah kabi jangpiile.

ROMMEI 12:15

Ranga kaleimeigo kaswisii rangalo; hat kaleimeigo kaswisii hatlo,

PILIPIMEI 4:1

Teijangpii, Inii lungkasyii ninado mangwisii kalei gukangsanamei, gumah ka-nta ninado gumah phyiihung tiisii kalei mei, Bangpii dato sangtingsii satpyiilo, gumah lungkasyiimei!

ROMMEI 9:2

Katunii, Inii gulungto hangkapii kamage sateichii taksupii katchii tei doule,

METIU 26:37

Sateichii Jisunii mpougo kaswisii Pitar nei Zebedi nah sapfiimei hangnago pang wosii, mpounii hangkapii swi kamagesii lung lungnyii lunghoutu takle.

METIU 11:28

“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle.

1 PITAR 1:6

Aitoi tinglang shangniikii jang- pii kataam kataam tiisii jai kaju kamage kalak hang gonyiinii pungsii swi kamagetu kido, gonyii kaang aijangpii nta rangalo,

PILIPIMEI 1:3

Inii gonyiigo kamaningta gu Saraago Inii halangle.

GALATIMEI 6:2

Hangninanii hangninii mah pot kamaswi tei punghasii Kristamah ajaitingshang tei gong matwi matulo.

2 KORENMEI 9:14

Sateichii kaki jumage kapyii satoi tei Saraanii gonyiigo mangou kapyii jangpii gonyiinii tuksii lungkasyii teipii ahnyiinii gonyii jangpii riita tangle.

1 KORENMEI 12:26

Sateichii pum mah njai hangninanii kalak kanhii pung leponii, pum njai kaki kaki hangdo kalak kanhii tei pung njoile, sateichii pum mah njai hangniniigo sadzyii ngariit tiileponii, kalei kaganii nta njoile.

ROMMEI 1:11

Kada- ponii gonyiigo tiisangting pyii tang karam jangpii, rangii mah satoi tei gonyii dakii pyiitang karam jangpii gonyiigo Inii kadounyiile;

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

PILIPIMEI 2:25

Nlenii Inii nyii kangsanapiigo kaswisii tha tii njoisii kalei ninado kaswisii saryii tiisii kalei, sateichii gonyii dakii sampao kapungmei tiisii kalei ninado tiikaha kamarei gumah tha katii kito nga ngakapyii, Ipapro- ditas go gonyii dakii lang magongsu shyii taklesii maningle;

PILIPIMEI 2:27

Kasangpii mpou ai ranisii leile, taina takle. Nlenii Saraanii mpougo lungsyii pyiitakle; sateichii mpougo roisupiinii, Inii kamage phyiiryiikii kamage dou matulak tang karam jangpii, n-gudo lungsyii pyiitakle.