PILIPIMEI 2:19 - KARANU KABI SAMTAM

¹⁹ Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle.

PILIPIMEI 2:19 Referans Kwoze

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PILIPIMEI 2:28

Teijangpii gonyiinii mpougo ngouloi katu kito nta matutang karam jangpii, satei- chii gumah kamage ai chengniikii nkhiihai matu tang karam jangpii, Inii mpougo kisii lungsyiisii lang magong takle.

JEMS 4:15

Tei tungpii “Bangpiinii mazhiipyii leponii, nyiinii ringsii ai ai mak-kii tei tei tiitangle” sii gonyiinii tam tang karamle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

ROMMEI 16:21

N-gu njoisii tha tiisii kalei Timothi sateichii gutat gureng kito kapat Lusiyas, Jason sateichii Sosi- patar-niido gonyiigo salam pyiileile.

ROMMEI 15:12

Sateichii nlailoisii Isaiyanii tamle, “Jesse mah maatei pok pat tangle, sateichii luikakimei phyiiryiito apum tiitang karam jangpii kagong mpou zei gotei luikakimei hangnii maning malum tangle.”

METIU 12:21

Sateichii mpou zei kito lui kakimei hangnii maning malum tangle.”

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

TIILAMLWI KAPYIIMEI THA JUKAMATI 16:1

Sateichii mpounii Derbe ninado Laistra kido gongtakle, satei- chii julo, kamalum Jehudimei pwi hangninii nah sapfiimei zei Timothi sii kalat boumei hangninii teiki tei leile; mpou pfiinii Grikmeile.

PILIPIMEI 2:18

Sateichii tei kakum gonyiiniido n-gu kaswisii nta tang ninado ranga tang karamle.

1 THESOLONIKAMEI 3:5

Aijangpii Iniido nlailoisii lehpei kalak tinglang kito, gonyiigo kahem teinii hemwo tang karam sateichii nyiimah teisii tha katii tei kadak aitang karam gotei hingsii, Inii gonyiimah kamalum tei titang karam jangpii mpougo lang magong leile.