Biblia Todo Logo
Bib sou entènèt

- Piblisite -




PILIPIMEI 2:15 - KARANU KABI SAMTAM

15 Kadapokii gonyiinii kashyii kahong ninado kem katiimei ha kak kito sajek gasii mateisii, sajek kaga Saraamah nahmei tiiwo kabui jangpii, sating gamto vakaki sageiti hang takumpii gonyiinii ahnyiihang kak kito vatang karamle.

Gade chapit la Kopi




PILIPIMEI 2:15
42 Referans Kwoze  

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.


kadapokii mpounii kashyii- mei ninado kabimei phyiiryiikii mpou mah leimik tei vamatule; sateichii kasang kamajyiimei ninado kasang kamajyii tiikasumei phyiiryiikii sating ryiikai pyiile.


Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.


Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.


Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.


mak-kii ahnyii dato mah raga supii, tinglang kaleita kasang kabi ninado malum kabui tha tei ahnyiinii tiimangou tang karamle.


Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.


Teijangpiinii gonyii mah sating gam-pfii teinii bikamatui takumpii gonyiido bimatui tang karamle.


Ahnyiigo reipii jaiju tang karamle, sateichii teito jaikaju tei ahnyiinii ngam woleponii, ahnyiinii nga ngamatulo;


teijangpii doi kamajaang mei teinii zeigo kafii kaga sapwimei hangninii mah naa katii lung kasana, ah roinapii ahpum jum kati, ache adok katii, juti kasumeigo lukakai, meigo rali kabuimei tang karamle,


kadapokii gonyiinii bikaki tei kalaiwo kabui jangpii. Teitii leponii Kristamah leimik piinei tei gonyiinii matei kasu ninado sajek katii tei gatangle.


Katunii, mahlyii hang kito mpoumah ngoukabi...kamatei ninado kama kaga, sajek kaga mak-kii ndouliit liit katu, mak-kii kaki kaki bimasang kasu tei gasii mpouda sek-kii pyii matu tang karam jangpiile.


Kadapokii gonyiimah katam kaswi tei meihangnii titakle; teijangpiinii Inii gonyiimah kaang kito ntale, nlenii gonyiinii kabi lamto kasakai, sateichii kashyii lamto kama gasii lungkatu ai Inii mareile.


Sateichii kaki kaki sam hang- kapiiniido mpounii sakchyii pyiile, nyiigo katwido katwikai pyiisanii tamle, “Kashyii lung kapung aiha ki aito mpou mpou roinapiinii keiwolo.”


“Julo, Inii gonyiigo Sanyii kak kikii Jaonah takumpii lang mpat leile. Teijangpii gonyiinii Sanhii takumpii sakailo, sateichii mahou takumpiinii lung manoilo.


Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.


Aihang ai saa mpat pyiilo; n-go shiisii kaleimei hang go teimaham hang teipii kaswisii lung tiimadi pyiilo, ninado n-gipyiilo. Mei hang- ninii kaniido n-go maning majang matu sulo.


Charsh ki katingmei hangninanii tam mashyiipei kalak, nou hangninii mah naa katii, mpou nahmei tei kamalum mei tang karamle, sateichii ngoukashyii jairali mak-kii ahnyii pwi pfiinii katam swikasu jaikashyii tei gatang karamle.


Mei kakimeiniido hing kabui tiisii, kem tiikalei katingmei gotei meihang doito duilo.


Sateichii gonyii kak ki sek aito ahnyiitai switang karam jangpii boumeigo chyii mpat tang karam jangpii tiikarampou sam katam sapfiimei pat tangle.


Mpou teinii shong kalei ninado vakalei thaomi teile; sateichii gonyiinii tinglang shangniikii jangpii mpoumah kava kito nta ranga kaikanyii mei teile.


Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.


Jisunii khekalatle, “Oh kama- lum kaga ninado karampou mei-ha, Inii kadatakii gonyiigo kaswisii bam tangpo? Inii gonyiigo kadatakii leh njoi tangpo? Mpougo aiki guda pang gonglo.”


Julo, seitanmah bemei, Jehudimei supiinii Jehudimei lesii tam kalei, ahnyii gotei Inii gonyiidoi gongsii gonyii pibangto nkwimang matu tangle, Inii gonyiigo lungsyii katu tei ahnyii hangnii titangle.


Teipiinii nyiigo ngou karoumeinii nyiigo tam mashyii tang karam jangpii bam pyii kasu tiisii, pumzai lamto karanu kamipwimei hangteinii kalakna katii, athiinaa kalung, sateichii ahnyii ki kalung mpung go ju kamatou tei Inii mareile.


Mei kaniido ahnyii dato kama tei doukasu tiisii, sam hang ai ahnyiigo tampyiilo.


Teijangpii Bangpiinii tamle, “Ahnyii kak kito gonyiinii sipat tosii thaam wolo, sateichii matei kasu tei hangninii kado deng sulo; teitii leponii Inii gonyiigo lukaipyii tangle.


Ahnei hangna tei Saraa doito kasang kamajyii tiilung lungsii Bangpii mah Ajaitingshang sateichii Kakhat kapyii samtam hang gotei majaisii lung leile.


sateichii lung kaliit kito charshgo kaset kalak kapyiipii, ajaitingshang taikaswi kasang kamajyii kito sajek kagameile.


Teijangpii nangnii kada kito kou aitakpo katu maning gonglo, sateichii golung kalisii kareiki nangnii katii tha tei tiilo; nangnii lungkali suleponii, Inii goda gongsii gomah thaomi kadungpii tei mpoumah bam kiteito poitoi aitangle.


Swiv nou:

Piblisite


Piblisite