PILIPIMEI 2:14 - KARANU KABI SAMTAM

¹⁴ Manam marang katu mak-kii kachyiinhii katu gasii mahlyii hangtei tiilo.

PILIPIMEI 2:14 Referans Kwoze

1 PITAR 4:9

Tiikarou gasii hangninanii hangniniigo pyiichii pyiisakti sii kalungsyiilo.

1 KORENMEI 10:10

Sa- teichii kangkanii manam marang katu sateichii ahnyiigo katai mah rangii teinii tiimaga kalei takumpii, nyiinii manam marangh lak tang karamle.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

JEMS 5:9

Kangsanamei, gonyiigo samtak tiikasu tiisii, gonyii hangninanii hangninii phyiiryiikii tam mashyii sulo, julo, samtak katiipii teinii kikam kuto satsii leile.

ROMMEI 12:18

Mazhii kabuita gonyiinii meihang go kaswisii majungsii lunglo.

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

JEMS 1:20

kadapokii meinah mah rakarhii teipii Saraamah kasang kamajyii tha tei tiimakle.

GALATIMEI 5:26

Nyiinii matapii mpou mpou det disii, hangninanii hangniniigo kara- rhii katu, katairou katu tei tiisuleje.

GALATIMEI 5:15

Nlenii gonyii hangninanii hangniniigo saram kounah takumpii kamakisii chiitoi kati tiisii leileponii, machyiigat wolo, suleponii gonyii hangninanii hang- niniigo tiimagakat aitangle.

JEMS 3:14

Nlenii gonyii lung kito hangkapii kamaimhii ninado mpoujangpii roinii kamaning tei leileponii, gomah swirek kabi kito detdisii kasang dateito tiimatusulo.

ROMMEI 14:1

Kamalum kito kasuimeigo lukaipyiilo, nlenii mpoumah kamaning gotei samtak tiitang karam jangpii makle.

JUD DATO KAGONG CHITI JUKAMATI 1:16

Aimei ainii manam maraangsii meigo tam kamashyii, lung kashaat kagameile. Ahnyiinii ahnyiimah pumzainii kamarei ka-ntha hangtai tei swile, ahnyii roinapii ahnyii sam tam mbile sateichii ahnyii bak kabi doukabui tiisii ahnyiinii meisam tam ka-mbijai tiisii tam leile.

1 PITAR 3:11

Kashyii kahong kito ahnii tat nrek wosii, kabi tei tiitang karamle; mpounii kamajung tei fiisii, teitei kabasii fiimatulo.

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

ROMMEI 16:17

Kangsanamei, Inii gonyii dato khangleile, gonyiinii doukalu samtam gotei kaswisupii malatpii tiikapak tiikapang katii sateichii sadoi ka- shyii tiikakai ahnyii gotei ju tiwolo, sateichii ahnyii dateito mpaa wolo.

TIILAMLWI KAPYIIMEI THA JUKAMATI 15:2

Teito Pol nei Barnabasnii hangkapii hungsii sam kajyii katu kito sam kajyiisii kalei aikaang ki aito Pol nei Barnabas ninado ahnyii kak kito mei kangkago Jerosalem kikii Tiilamlwi kapyiimei ninado katingmeigo maa kadou matu tang karam jangpii kalai wotakle.

TIILAMLWI KAPYIIMEI THA JUKAMATI 6:1

Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii,

1 THESOLONIKAMEI 5:13

sateichii ahnyiimah tha jangteipii lungsyiisii ahnyiigo kisii disii sadzyii ngariit tiitang karam jangpii, nyiinii gonyiigo khangleile. Gonyii kak kito majungsii bampyiilo.

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

TIILAMLWI KAPYIIMEI THA JUKAMATI 15:39

aitiisii kajyiipatsii ahnyii hangninanii hangniniigo kapak aitakle, sateichii Barnabasnii mpougo kaswisii Mark- go pangsii Kaipras ki katang malyii hoisii tat tutakle.

TIILAMLWI KAPYIIMEI THA JUKAMATI 15:7

Teito samtei hang- kapii kajyiipat tusek-kii, Pitarnii gungtu sanii ahnyii dakii tamle, “He, kangsanamei, lui kakimeinii gu mwi kito kabi rasam tei shii wosii malum tang karam jangpii ndou karei kito Saraanii gonyii kak kito n-gu kalai mpat pyiitakle katu ai gonyiinii tile.

MARK 14:5

Kadapokii thao ai sana haisii rekngii sung kisii joitoisii mah kagameigo pyii wobuile.” Sateichii ahnyiinii mpoupei gotei sampeile.

METIU 20:11

Sateichii ahnyiinii teitei doukalu kito ki abangpii phyiiryii teikii manam marangsii tamle,

MARK 9:14

Sateichii ahnyiinii mpoubou- meida gong wosek-kii, meimoinii ahnyiigo bangbungsii kalei sateichii ajaitingshang kati ojameinii ah- nyiigo chyii n-gisii kalei tei ahnyiinii ngoutakle.

LUKNII KARYII KABI RASAM JUKAMATI 5:30

Sateichii kabijai katii- mei ninado ajaitingshang kati ojamei hangteinii mpou boumei phyiiryii teikii manam maraangsii ahnyii dakii tamle, “Gonyii dajangpii ha hakaleimei sateichii kem kama katiimeigo kaswisii chii leipo?”