Biblia Todo Logo
Bib sou entènèt

- Piblisite -




PILIPIMEI 2:12 - KARANU KABI SAMTAM

12 Teipiinii, gu kangmei, tinglang kaleita gonyiinii katam swisii kalei takumpii, Inii gonyiigo kaswisii kalei kikak roinii supii aitoi Inii gonyiigo kaswisii leikasu ki kakdo nlailoisii kisii hingsii ninado nchyiidung dungsii tha tei tiisii leihumlo, gonyii mah kaleikapyii karing tei matwi mashangwo kabui tiisii,

Gade chapit la Kopi




PILIPIMEI 2:12
41 Referans Kwoze  

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.


Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.


Lungkasyiimei, gonyiinii sapum- nah tiisii ninado shangniikii jangpii lungkalei sazyii pouryii meinah tiisii! Tinglang kaleita gonyii mah rakot go saryii tiisii kalei, pumzaimah kamaning kamarei hangtei tiisulosii Inii gonyiigo khang leile.


Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle.


Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.


Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.


sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,


Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.


Aitoinii mpounii tam kalei ntakbam tei nyiinii dou kabui tiisii Saraanii nyiigo riishii tei pyiibam takle. Teitii leponii, riishii tiikabam ka-ntak tei doutang karam kito gonyii mei kado tiidou kalak tei kadou kasu tiisii nyiinii sakai wode!


Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.


Teijangpii, Inii lungkasyii ninado mangwisii kalei gukangsanamei, gumah ka-nta ninado gumah phyiihung tiisii kalei mei, Bangpii dato sangtingsii satpyiilo, gumah lungkasyiimei!


Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.


Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.


Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.


Gonyiihangnii mpoumah katam karali hang gotei kadaziikapii swinyiisii leipo katu sateichii gonyii- nii kahing ninado nchyiikok kok katu teipiinii mpougo kada takumpii lukaiwopo katu tei mpounii maning gongsii, gonyii jangpiinii mpoumah lungkasyii tei teibui teibuisii leile.


Teijangpiinii Inii gonyiida kagong kaktei Inii suisii, hingsii sateichii nchyiidung dungsii leile;


Kikaleimei, kahing ninado ka- nchyii tei njasii Krista dakii tiikalei takumpiinii lung mateisii gonyiimah sazyii pouryiimah apum meinii katam tei swilo.


Sateichii Jon dwi mpum kapyiipii mah tinglang sekto tingnei katang sating gam sazyii ai ngoukahing tiisii saryii tiisii leile sateichii saryii tiisii kalei mei teinii teitei jumtang karam jangpii pumtei tiisii leile.


dapokii karei kito tingnei katangpii kabi rasam katam kito gonyiinii n-gu tiikaha jangpii.


Nlenii tusat tosii namdi kitei liitlo, sateichii nangnii kada dapei tiitangpo katu Inii godakii tampyii tangle.”


Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle.


Inii gonyiigo tii-nrou tang karam jangpii ai ai ryiimakle, nlenii Inii lungkasyii gunah meigo takumpii gonyiigo tam rali tang karam jangpiiniile.


Sateichii gonyii Philipi kito kaleimei gonyiiniido tile, katunii, kabi rasam tamtat saroisekto, Inii Mesidoniya kito tat katu tinglang kak, gonyii supii charsh hangninii kaniido kasei ninado kadou kito n-gu njai poi njoi katu tei gale,


Teito kabangki kakoipii teinii thaomi khang wosii pakliit takle sateichii kahingpiinii nchyiikok koksii Pol nei Sailas doito koumang takle.


Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.


Swiv nou:

Piblisite


Piblisite