PILIPIMEI 2:1 - KARANU KABI SAMTAM

¹ Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii,

PILIPIMEI 2:1 Referans Kwoze

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

1 JON 4:12

Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

TIILAMLWI KAPYIIMEI THA JUKAMATI 4:32

Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle.

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

JONNII KARYII KABI RASAM JUKAMATI 17:13

Nlenii aitoinii Inii goda gongleile; sateichii ahnyiinii mpou mpou lung kito gumah ka-nta tei matwi mashangsii leimatu tang karam jangpii sazyii pouryiito samhang ai Inii tam leile.

1 JON 4:16

Sateichii Saraanii nyii jangpii lungkasyii kalei tei nyiinii tile sateichii malumle. Saraanii lungkasyiile, sateichii lung- kasyii kito taksupii kalei ah teinii Saraa dato taksupii leile, sateichii Saraanii ah dato taksupii leile.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

ROMMEI 8:26

Teitakumpii nyiimah kasuihang kito rangiinii nyiigo tiihale; kada- pokii nyiinii kada takumpii riita kajyiipo katu tei nyiinii timakle, nlenii mwipiinii tampei kalak tiisii kamagesii rangii sekpiiniido nyii jangpiinii Saraa dato riita khang- pyiisii leile.

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

PILIPIMEI 1:8

Kadapokii Inii Krista Jisumah lungkasyii teipii njasii gonyiihang go kadaziikapii mangwisii leipo katu, Saraanii gumah sakchyiile.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

1 KORENMEI 15:31

Gu kangsanamei, Inii katai tei sating kata kadousii bamle! Nyiimah tiilung ai Krista Jisu nyii Bangpiigo njasii hangninii tiikalu kito, Inii gonyii dato aju kadi kabam teitei piinii n-gu ai ai tam mpat matule.

JONNII KARYII KABI RASAM JUKAMATI 14:27

“Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

JONNII KARYII KABI RASAM JUKAMATI 14:18

“Inii tat tusekchii, gonyii roiniigo toidek lakle; Inii gonyiida nlaigong tangle.

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.