PILIPIMEI 1:9 - KARANU KABI SAMTAM

⁹ Kasang swirek kabi ninado lungswi kati kangouhang tei kaswisii gonyii mah lungkasyii tei kisii kisii dibuibui matu tang karam jangpii Inii riitale;

PILIPIMEI 1:9 Referans Kwoze

1 THESOLONIKAMEI 3:12

Sateichii nyiinii gonyiigo lungkasyii takumpii, gonyii mei hangninanii hangniniigo sateichii meihang go gonyiimah lungkasyii katu tei Bangpiinii tii m-moipyiisii kisii kisii moi matulo.

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

PHILIMON 1:6

Gumah kariita teinii kamalum meihang tiisii nyiinii n-go nja katu aipiinii Kristago njasii hangninii tiikalu nyiimah tiilung kito doukalu satoi hangmah kaang kito tuksii kati tei poigong matutang karam aile,

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

2 KORENMEI 8:7

Mahlyii hang kito gonyiinii Kristen kaki- meihang doireile: Gonyiinii Krista dakii kamalum kito, Gonyiinii kabi rasam tam ka-mpat kito, gonyiinii kasang swirek kati kito, gonyiinii nga ngakanyii kito, sateichii gonyiinii nyii jangpii lungkasyii kito. Teijangpiinii Kristenmei mah lungkasyii tha ki aitodo Inii gonyiigo kakimei doi reimatu nyiile.

1 KORENMEI 14:20

Kangsanamei, swi kamaning kito nahmei takum supii, kashyii kito nahmei takumpii leilo. Nlenii swi kamaning kito katingmei takumlo.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

HEBRUMEI 5:14

Nlenii chiitak katei teinii “Tiikamadhii paikito kabi kashyii tikabui kangam,” katingmei jangpiile.

IPISAMEI 5:17

Teijangpii gonyiinii kapangmei tiisulo, nlenii Bangpiimah kamaning kamarei tei kadapeipo katu tilo.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.