PILIPIMEI 1:8 - KARANU KABI SAMTAM

⁸ Kadapokii Inii Krista Jisumah lungkasyii teipii njasii gonyiihang go kadaziikapii mangwisii leipo katu, Saraanii gumah sakchyiile.

PILIPIMEI 1:8 Referans Kwoze

PILIPIMEI 4:1

Teijangpii, Inii lungkasyii ninado mangwisii kalei gukangsanamei, gumah ka-nta ninado gumah phyiihung tiisii kalei mei, Bangpii dato sangtingsii satpyiilo, gumah lungkasyiimei!

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

2 TIMOTHI 1:4

Inii Gomah mikdwi kahum tei maning gong sek-kii, tinghum tingna Inii n-go kadounyiisii bamle, kadapokii Inii ka-nta teipii tokryii kabui tiisii,

1 THESOLONIKAMEI 2:8

Nyiinii gonyiigo lungkasyii jangpii Saraamah kabi rasam tei roisupii nyiimah karing katangpii nyiinii gonyiigo njai tang karam jangpii tiikada takle. Kadapokii gonyiinii nyiimah hangkapii lungka- syii teile!

ROMMEI 9:1

Inii Krista zeikito kasang tei tam leile. I-choimakle; kabi kashyii tikabui gulung teinii n-gu rangii kamatei zeikito sakchyii tiileile.

PHILIMON 1:12

Mpoupum sekgo katunii, gumah rangii sek tiisii kalei mpougo, godakii Inii lang magongloi leile.

KOLOSIMEI 2:1

Gonyii jangpii Laodisiya kito kaleimei jangpii, sateichii n-gu juti kasumei hang jangpii Inii dakumpiinii teisii tha tiiziipo katu tei Inii gonyii dakii tam mangoule.

GALATIMEI 4:19

Lungkasyii gunahmei! Gonyii lungto Krista mah jaitalui tei tiimakhii kasuta pwinii nah kamanaa- ki kamage kalei takumpii Inii gonyii jangpii Kamagesii bamle.

GALATIMEI 1:20

Inii gonyii dakii ryiikalei ai kasangle, I chuimakle katu Saraanii tile!

2 KORENMEI 7:15

Gonyiihangnii mpoumah katam karali hang gotei kadaziikapii swinyiisii leipo katu sateichii gonyii- nii kahing ninado nchyiikok kok katu teipiinii mpougo kada takumpii lukaiwopo katu tei mpounii maning gongsii, gonyii jangpiinii mpoumah lungkasyii tei teibui teibuisii leile.

2 KORENMEI 6:12

Gonyii dakii nyiilung laatpyii kasu ai nyiinii makle, nlenii nyii dakii gonyii lung laatpyii kasu tei gonyiiniile.

LUKNII KARYII KABI RASAM JUKAMATI 1:78

Nyii Saraa teinii Jumage kati sateichii manoi kabi teile, Mpounii nyii phyiiryiikii Keikapyii mah tingchoi kava tei sagoi gamto vapyii tangle.

1 JON 3:17

Nlenii sazyii pouryii mah kanimei, hangninanii mpou sanapiinii bitang karam tei ngou wosii mpou sanapii jangpii lungtei laatsei suleponii, mpounii Saraago lungsyiile sii mpounii tam wobuipo?

PHILIMON 1:20

Teipiinii gusanapii tiikaha khangkalei ai Bangpii zeikito lungsyiisii n-gu tiiseilo, Krista zei kito sanapii hangninii tiisii tii-ntapyiilo.

1 THESOLONIKAMEI 2:5

Kadapokii gonyiinii tisii kalei takumpii, nyiinii tam ka-mbisam, mak-kii kadi chiikanyii, mak-kii jai katii madou kado tiilei makle, Saraanii sakchyiile!

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

PILIPIMEI 2:26

kadapokii mpounii gonyii hang go saryiisii lungswi hangkapii kamagesii leile, daponii mpou ranisii leile katu gonyii- nii shiitakle.

PILIPIMEI 2:1

Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii,

2 KORENMEI 13:9

Kadapokii nyiinii suisii kalei tinglang ki sateichii gonyiinii teisii kalei tinglangki, nyiinii ntale, nyiinii riita kalei teinii gonyii mah bibwi tang karam jangpiile.

GALATIMEI 3:26

Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle.