PILIPIMEI 1:7 - KARANU KABI SAMTAM

⁷ Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

PILIPIMEI 1:7 Referans Kwoze

2 KORENMEI 7:3

Gonyiigo tam mashyii tang karam jangpii Inii ai ai tam makle; kadapokii Inii reipii tam takle katunii, gonyiinii kaswisii taitang karam sateichii kaswisii ringtang karam tei nyii lung kito bamle.

PILIPIMEI 1:5

dapokii karei kito tingnei katangpii kabi rasam katam kito gonyiinii n-gu tiikaha jangpii.

2 TIMOTHI 2:9

Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

KOLOSIMEI 4:18

Pol, Inii salam ai gubah sekpiinii ryiileile, maning seilo n-gu peinai kabam! Saraamah jumage kapyii tei gonyiigo kaswi pyii matulo.

PILIPIMEI 4:14

Nlenii gonyiinii gumah kamage kalak hang pung njoi kapyii kito hangkapii bitakle.

IPISAMEI 6:20

Aitoi Inii kabang kito leisii leikado, kabi rasam aijangpii Inii sam kapungmei hangninii tiisii leile. Inii tam tang karam takum- piinii Inii lung disii tam wokabui jangpii riita khangpyiilo.

IPISAMEI 3:1

Ai kaang jangpiinii, gonyii luikakimei hang jangpii Krista Jisumah kabang kito kaleimei hangninii tiisii kalei, Pol, Inii, Saraa dakii riitale,

TIILAMLWI KAPYIIMEI THA JUKAMATI 20:23

Ai katangnii tile, Kabang ninado kamage kalak piinii n-gu koisii bamlesii rangii kamateinii namdi hang kikii n-gu sakchyii pyiile.

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

2 PITAR 1:13

Inii ring kaleitanii gonyiigo tam maningsii kalei ai gujangpii ma- jyiilesii Inii maningle.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

1 THESOLONIKAMEI 5:5

Kadapokii gonyii hangnii kava ninado tingnamah nah sapfiimei hangle, nyiinii tinghum mak-kii kamyii mah nah sapfiimei makle.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

2 KORENMEI 3:2

Gonyii lungkii ryii kabam meihangnii titang karam ninado fiitang karam nyiimah chiti tei go- nyiile.

1 KORENMEI 13:7

Lung- kasyii teinii toisang toilei makle; mpou mah kamalum sateichii leh kati tei madou kasu tiisang tiilei makle.

1 KORENMEI 9:23

Sateichii Inii kabi rasam mah njai tei dou njoi wokabui jangpii, tei kaang jangpii Inii ai ai tiile.

TIILAMLWI KAPYIIMEI THA JUKAMATI 21:33

Teitinglang kitei kasagoipii kadipii teinii mpouda ma- nangliitsii mpougo jum wosii sagyii bah rangkat hangnapiinii peitang karam jangpii mwija pyiitakle, sa- teichii mpou ai tapo ninado mpounii kadapei tii aitakpo katu n-nhiitakle.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

PILIPIMEI 1:12

Kangsanamei, guphyiiryiito pat kalei hangteinii kabi rasam tei kasangpii kisii bisii timatu tang karam jangpii pat takle katu tei Inii gonyiigo matinyiile.

PILIPIMEI 1:13

Teijangpiinii n-gu kabang kikii kabang ai Krista jangpiiniile katu sagongki koikalei- mei hangnii tigong takle.

PILIPIMEI 1:14

Sateichii kabang kikii n-gu kabang jangpiinii kangsanamei kamoilamgo Bangpii zei kikii malumwo takle, sateichii kahing gasii Saraamah samtam tei tam tang karam jangpii lungdi tutakle.

PILIPIMEI 2:22

Nlenii Timothimah kasang tei gonyiinii tile, katunii, nahnii Pfiigo nga kanga takumpiinii, mpounii n-gu kaswisii kabi rasam tam ralikapyii kito kaswisii nga nga njoipyii takle.

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

PILIPIMEI 4:15

Sateichii gonyii Philipi kito kaleimei gonyiiniido tile, katunii, kabi rasam tamtat saroisekto, Inii Mesidoniya kito tat katu tinglang kak, gonyii supii charsh hangninii kaniido kasei ninado kadou kito n-gu njai poi njoi katu tei gale,

PHILIMON 1:13

Mpounii gotung tiisii kabi rasam mah kaang kito bangkabam tinglang kak gumah nga nga matutang karam jangpii n-gu kaswisii mpougo kaibam nyiile.