PILIPIMEI 1:6 - KARANU KABI SAMTAM

⁶ Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.

PILIPIMEI 1:6 Referans Kwoze

PILIPIMEI 2:13

dapokii mpoumah kamaning kamarei jangpii tiikanyii kamaning ninado katam swimatu tang karam jangpii tinglang kaleita Saraanii gonyii lung kito tha tiisii leile.

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

2 THESOLONIKAMEI 1:11

Saraanii gonyiigo lat kalu mah tiilung tai taiswisii gonyiinii lung matuiwo kabui jangpii, sateichii Saraanii mpou mah teimaham teipii gonyiinii kabi tha tiitang karam jangpii gonyiinii kamaning kamarei hangtei mpoumah teimahampii tiima- sang pyiisii gonyiimah kamalum mah tha tei tiimasang matu tang karam jangpii nyiinii tinglang kaleita gonyii jangpii riita leile.

HEBRUMEI 10:35

Teijangpiinii alangh kadi kaswi kalei, gonyiimah maning kamalum tei rat toi aisulo.

JONNII KARYII KABI RASAM JUKAMATI 6:29

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

PILIPIMEI 1:10

kadapokii gonyiinii bikaki tei kalaiwo kabui jangpii. Teitii leponii Kristamah leimik piinei tei gonyiinii matei kasu ninado sajek katii tei gatangle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

PHILIMON 1:21

Gomah katam kaswi kito maning kamalum tei leisii Inii katam sungdo kisii nangnii tiipyii tangle katu tei Inii godakii ryiileile.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

2 THESOLONIKAMEI 3:4

Sateichii nyiinii kapyii kakhatsam tei gonyii- nii tiisii leile, ninado tiido tiitangle katu tei gonyiimah kaang kito nyiinii Bangpii zei kito maning malumle.

KOLOSIMEI 2:12

Dwi ka-mpum kito mpougo kaswisii gonyiigo poigoi aitakle, sateichii mpougo katai meikak kito tiimaring kapyii Saraa teinii tiikalei tha kiteikii gonyiinii kamalum paikito mpougo kaswisii gonyiigo tiimaring- pyii takle.

2 KORENMEI 7:16

Inii ntale, kadaponii tiigatpiinii maning kamalum tei Inii gonyii dato leile.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

GALATIMEI 5:10

Gumah lungswi tei supii lungswi kaki tei gonyiinii poilakle katu Inii Bangpii zei kito malumle, nlenii gonyiigo tii- magesii kalei ahtei, kata kata kado mpoumah samtak katii tei doutangle.

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

2 KORENMEI 9:4

Nlenii Mesidoniya kito kalei mei kangkanii n-gu kaswi gongsii gonyiinii tiida kasu tei gong ngouwo leponii, gonyii- mah ka-nrou tei toi aisii, nyiinii kadaziikapii nrou tangpo; kadaponii gonyiigo malum gatsii kalei kiteito!

2 KORENMEI 2:3

Teijangpii chiti tei Inii gonyii dakii ryiile...katunii, Inii gonyiida gongsii n-gu tii ntapyii tang karam mei gotei lung tiikamage roule. Kadapokii Inii ka-nta tinglang sek-kii gonyii hangdo ntale katu Inii malumle.

2 KORENMEI 1:15

Ai hang ai madou kasu tiilak takle katu tiwosii teijangpii Inii gonyiida gongtang lesii karei kito maningsii leile; gonyiinii sadoi kabi tei maziina tiisii doumatu tang karam jangpii.

PILIPIMEI 2:12

Teipiinii, gu kangmei, tinglang kaleita gonyiinii katam swisii kalei takumpii, Inii gonyiigo kaswisii kalei kikak roinii supii aitoi Inii gonyiigo kaswisii leikasu ki kakdo nlailoisii kisii hingsii ninado nchyiidung dungsii tha tei tiisii leihumlo, gonyii mah kaleikapyii karing tei matwi mashangwo kabui tiisii,

PILIPIMEI 2:16

Gonyiinii ahnyiigo karingmah kabi rasam katam kito gonyiinii teitii leponii, Kristamah leimik piinei; gonyii jangpii Inii detdi tang kaang tei leitangle; dapokii Inii mahungsii tha katiihang tei kadak makle katu tei aipii mangou tangle.