PILIPIMEI 1:20 - KARANU KABI SAMTAM

²⁰ Inii samah kado nroulakle, nlenii ting- lang kaleita lungdisii kalei takumpii aitoido Inii ringkado taikado, gu pum kito Kristago tam matoi tangle katu ai ai gumah saryiisii koikalei ninado maning kamalum teile.

PILIPIMEI 1:20 Referans Kwoze

1 PITAR 4:16

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.

1 KORENMEI 6:20

Kadaponii gonyiigo mai pyiisii lyii wotakle, teijangpiinii gonyii pum lungto gonyiinii Saraago tam matoilo.

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

ROMMEI 8:19

Kadaponii baichem hangnii Saraa mah nahmeihang gotei mangou tang karam gotei saryiisii koisii bamle.

2 KORENMEI 10:8

Kadapokii gonyiigo tiimaga tiipak tang karam jangpii supiinii gonyiigo tiimadi tiimathang tang karam jangpii Bangpiinii pyii kabam nyiimah teimaham mah kaang kito Inii chengniikii detdiki tukido Inii nroutang karam gale.

2 KORENMEI 4:10

Jisu mah katai tei taiga kabui nyii pum kikii tinglang kaleita nyiinii pungtat leile, kadapokii mpoumah karing tei nyii pum kito ngou matu tang karam jangpii.

1 KORENMEI 7:34

sateichii mpou mah tiikanyii lungswi tei nja takle. Sateichii kalakna tiikasu sapwi mpei mak-kii ralhiipei teinii pumlam todo rangii lam todo kada takumpii matei tangposii Bangpii mah tha katii kito lungnhiile. Nlenii kalakna tiikalei sapwi mpei teinii mpoupei mah naago kada takumpii dzyii karanga tiitangposii sazyii pouryii mah lungswi kito lungnhiile.

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

ROMMEI 12:1

Teijangpiinii, he kangsanamei, gonyiinii gonyii pum hang go karing, kamatei sateichii Saraago tiikaranga kakarat pot hangninii takumpii pyiitoi matu tang karam jangpii, Inii Saraa mah lungset kati mah paito gonyiigo khang leile; ai ai gonyii mah rangii mah kamata teile,

PILIPIMEI 1:14

Sateichii kabang kikii n-gu kabang jangpiinii kangsanamei kamoilamgo Bangpii zei kikii malumwo takle, sateichii kahing gasii Saraamah samtam tei tam tang karam jangpii lungdi tutakle.

2 KORENMEI 7:14

Kadapokii Inii gonyii mah kaang kito detkadi samtei mpou dakii tam leponii, Inii ka-nrou tei doumakle, nlenii nyiinii gonyii dakii katam hangtei kasang katu takumpiinii, Taitas doito nyiimah detkadi teido kasangle katu tei doutakle.

2 KORENMEI 5:15

Sateichii ringkalei mei- hangnii ahnyii jangpiinii ringloi supiinii, ahnyii jangpii taisii ringkhii kapyii ah jangpiinii ringtang karam jangpii, mpounii meihang jangpii taipyii takle.

1 KORENMEI 15:31

Gu kangsanamei, Inii katai tei sating kata kadousii bamle! Nyiimah tiilung ai Krista Jisu nyii Bangpiigo njasii hangninii tiikalu kito, Inii gonyii dato aju kadi kabam teitei piinii n-gu ai ai tam mpat matule.

ROMMEI 9:33

aitiisii ryii kabam takumpiinii, “Julo Sijon kikii pi pasui tang karam kuitu ninado ahnyiigo tiikou tang karam kuitu kadi Inii kaibamle, sateichii mpougo kamalum mei gotei nrou matu lakle.”

ROMMEI 6:19

Gonyii pum pot kasui jangpiinii meinah mah tingshang rali kito Inii gonyii go tamleile, kadaponii ting- lang hangniniiki gonyiinii gonyiimah pumpot njai hangtei matei kasu kikii, sateichii kisii kem kikii pyii kalei takumpiinii, aitoinii gonyii mah pumpot njai hangtei tiimatei tang karam jangpii kasang kamajyii kikii pyii ailo.

ROMMEI 6:13

sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

JONNII KARYII KABI RASAM JUKAMATI 21:19

Mpounii kadapei tiit piinii Saraago pumtei kava tei pyiitangpo katu tei mati tang karam jangpii, ai ai mpounii tamle, sateichii ai ai tam kalaitai Jisunii Mpou dakii tamle, “Gutai swi wolo.”

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

2 KORENMEI 3:12

Nyiinii maning kamalum ai kalei taiswisii, nyiinii hangkapii lungdile.

2 KORENMEI 7:4

Gonyii dakii kamalum tei Inii bamle, gonyii jangpii Inii detkadi hangkapii leile, Inii kasamoupiinii tokryiile, nyiimah kamage kalak hangtei njasii Inii nta beidi takle.