PILIPIMEI 1:19 - KARANU KABI SAMTAM

¹⁹ Nle, Inii nta tangle, kadapokii gonyiimah kariita ninado Jisu Kristamah rangiimah tiikaha paikito ai ai n-gu laat mpat kapyii tei ndat tangle katu tei Inii tile.

PILIPIMEI 1:19 Referans Kwoze

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

TIILAMLWI KAPYIIMEI THA JUKAMATI 16:7

Sateichii ahnyiinii Maisiya sazyii kajudou kitei gong wosek-kii, ahnyiinii Betani ki liit tang karam jangpii tiile, nlenii Jisu mah rangii teinii mazhiipyii sutakle.

2 KORENMEI 1:11

Gonyiimah kariita teipii gonyiiniido nyii jangpii tiiha tang karamle, dapokii nyii jangpii riita khangkalei hangtei khepyii matu tang karam, sateichii Saraanii nyiigo satoi pyiimatu tang karam, sateichii mei moinii rok sa- goisii nyii jangpii mpougo hakalang tam matu tang karam jangpiile.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

ROMMEI 8:9

Nlenii Saraa mah rangii teinii gonyii dato leileponii, gonyiinii apumzai kito bam makle, rangii dato leile, Nlenii mei kata hangniniida Krista mah rangii tei galeponii ahteinii mpoumah makle.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

GALATIMEI 3:5

Saraanii gonyii- go rangii kapyii sateichii gonyii kak kito sung kaga tha hang tiikapyii tei gonyiinii ajaitingshang go ryii- kalu jangpii manii, mak-kii gonyiinii kabi rasam tei shiiwosii malum kalu jangpiipo?

PILIPIMEI 1:18

Teitii leponii kadapeipo? Nlenii mahlyii hang kito, jai katii kito kado, kasang kito kado, Kristamah kabi rasam tei tam ralipyiile, sateichii teito Inii ntale.