PILIPIMEI 1:10 - KARANU KABI SAMTAM

¹⁰ kadapokii gonyiinii bikaki tei kalaiwo kabui jangpii. Teitii leponii Kristamah leimik piinei tei gonyiinii matei kasu ninado sajek katii tei gatangle.

PILIPIMEI 1:10 Referans Kwoze

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

ROMMEI 2:18

Mpou mah kamaning tei tileponii ajaitingshang kiteito ralikalu teipii kisii kabi ngamlesii maning leponii.

IPISAMEI 5:10

Sateichii Saraanii kadapei mareipo katu tei tikabui tiilo.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

PILIPIMEI 1:6

Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.

1 THESOLONIKAMEI 5:21

Nlenii mahlyii hangtei ajai julo, kabi tei tiigatpii jumlo,

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

IPISAMEI 5:27

Katunii, mahlyii hang kito mpoumah ngoukabi...kamatei ninado kama kaga, sajek kaga mak-kii ndouliit liit katu, mak-kii kaki kaki bimasang kasu tei gasii mpouda sek-kii pyii matu tang karam jangpiile.

JONNII KARYII KABI RASAM JUKAMATI 1:47

Nathanelnii mpouda gong kalei tei Jisunii ngou wosii mpoumah kaang kito tamle, “Julo, kasang Isrelmeinah tei aiki leitakle, mpou dato samah kado tiikama gale!”

METIU 16:23

Nlenii mpounii nryiigong Pitar dakii tamle, “Gudato tat tulo, seitan! gujangpii nang pi kapiiswi hang- niniile, kadapokii gomah kamaning lungswi hang ai Saraa dato gong makle, nlenii meinah datole.”

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

ROMMEI 12:9

Lungkasyii tei matwisii kasang tang karamle, kashyii gotei nraanglo, kabi tei tiigatpii jumlo;

ROMMEI 8:7

Teijangpii- nii apum azai mah kamaning teinii Saraa go ngou karoumeile; kadaponii teitei Saraa mah ajaitingshang kang nkang makle sateichii nkangdo nkangpei wolakle;

METIU 26:33

Pitar-nii mpou dakii saa mpatle, “Mei kakimei hangnii n-go toi aichiido, Inii n-go toisang toilakle.”

PILIPIMEI 1:16

Mei kangkanii kabi rasam mah saryii dangtang karam jangpii n-gu aikikii kaibamle katu tisii, lung- kasyii kito;

IPISAMEI 6:24

Nyii Bangpii Jisu Krista go kalui tiikasu lungkasyii teipii lungsyiisii kaleimei hang go Saraamah jumage kapyii tei kaswipyii matulo.

IPISAMEI 4:15

Nlenii lungkasyii kito kasangtei tamsii, aphyii kasat tiisii kalei, Krista dato nyiinii, mahlyii hang kito lungkhii tang karamle.

GALATIMEI 5:11

Nlenii kangsanamei, aitoi katangpii tiigyii kamalem tei tam ralipyiisii leileponii, kadajangpii n-gu aitoi katang tiikamagesii leipo? Teileponii kroshnii doikadang tei mpat takle.

2 KORENMEI 8:8

Ai ai kakhatsam hangninii takumpiinii Inii tam makle, nlenii Mesidoniya kito kalei charsh charsh hangnii kadaziikapii lungliitsii pyii leipo katu kamangou teipii gonyiimah lungkasyii ai kadaziikapii kasangpo katu tei Inii fii-mpat tang karam jangpii Inii tiileile.

2 KORENMEI 6:3

Nyiimah tha kito kama tei mei kata hangninii kaniido doumatulak tang karam jangpii, mei kata hang- niniimah pwidi kikiido doikadang tei nyiinii kaimakle.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

1 KORENMEI 10:32

Jehudimeigo, Grikmeigo, sateichii Saraa mah lat mpat kalumeigo mazhii kasu kamage tei pyiisulo;

1 KORENMEI 8:13

Teijangpiinii Chiitak teipii gosanapiigo kem tiimatusii lei le- ponii, gosanapiigo kem kikii tiikailak tang karam jangpii Inii nlailoisii kamyii tei chiisang chiiloi lakle.

ROMMEI 16:17

Kangsanamei, Inii gonyii dato khangleile, gonyiinii doukalu samtam gotei kaswisupii malatpii tiikapak tiikapang katii sateichii sadoi ka- shyii tiikakai ahnyii gotei ju tiwolo, sateichii ahnyii dateito mpaa wolo.

ROMMEI 7:22

Kadaponii gulungto kalei mei tai tei swisii Saraamah ajaitingshang kito I-ntale;

ROMMEI 7:16

Teipiinii Inii tiikarou tei Inii tiisii bamle leponii, ajaitingshang ai kabile katu tei Inii mazhii takle.

TIILAMLWI KAPYIIMEI THA JUKAMATI 24:16

Tei- jangpii Inii tinglang kaleita Saraa doitodo mei doitodo lung mateisii mbam tang karam jangpii tiile.

JONNII KARYII KABI RASAM JUKAMATI 3:20

Kadapokii kashyii tha katiimei hangteinii kava gotei ngou- roule, sateichii mpoumah tha kashyii tei mangourousii, kava kutei gonglei makle.

PILIPIMEI 2:16

Gonyiinii ahnyiigo karingmah kabi rasam katam kito gonyiinii teitii leponii, Kristamah leimik piinei; gonyii jangpii Inii detdi tang kaang tei leitangle; dapokii Inii mahungsii tha katiihang tei kadak makle katu tei aipii mangou tangle.