PILIPIMEI 1:1 - KARANU KABI SAMTAM

¹ Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PILIPIMEI 1:1 Referans Kwoze

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

1 TIMOTHI 3:8

Tei takumpii charsh kito tiikahamei teiniido jairali bitangle sateichii lung matei tang karamle. Ahnyiinii jou hangkii saklakle, mak- kii sanahgo lunyiilakle.

2 THESOLONIKAMEI 1:1

Pol, Sailas ninado Timothi dato nyii Pfii Saraa ninado Jisu Krista dato kalei Thesolonika kito kalei charsh dakii:

1 THESOLONIKAMEI 1:1

Pol, Sailas ninado Timothi dato– Pfii Saraa ninado bangpii Jisu Krista dato kalei Thesolonika ki charsh dakii: Jumage kapyii ninado kamajung tei gonyiimah matulo.

IPISAMEI 1:1

Saraamah kamaning kito Jisu kristamah tiilamlwi kapyiimei I-Pol dato– Iphisas kito kalei kamateimei ninado Krista Jisugo njasii ahnyiimah tiilung kito lungsii kalei malum kabuimei dakii:

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

1 TIMOTHI 1:2

Kamalum kito Gunah sapfii mpou Timothi dakii: Pfii Saraa ninado nyii Bangpii Jisu Kristanii jumage kapyii ninado kamajung tei pyii matulo.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

1 PITAR 2:25

Kada- pokii gonyiinii Jaonah takumpii maga aisii tat tutakle, nlenii aitoinii Jaokakoipii ninado gonyii rangiigo jukapyiipii Kristada gonyiinii nlai gong takle.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

HEBRUMEI 13:23

Nyii sanapii Timothigo kabang kito mpat- pyii aitakle, katu tei Inii gonyiigo timatunyiile, mpounii kalangsii gong- leponii, Inii mpougo kaswisii gonyiigo gong kadou tangle.

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

1 KORENMEI 16:10

Timothinii gong leponii, gonyii- nii tiigatpii lukaipyii tang karam jangpii gonyiinii juseilo; kadapokii Inii tiikalei takumpii mpouniido Bangpii tha tiileile.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

TIILAMLWI KAPYIIMEI THA JUKAMATI 9:13

Nlenii Ananiyasnii khekalatle, “Bangpii, sapfii mpou aipou mah kaang kito, mpounii Jerosalem kito gomah kamalum mei dakii kadaziika kashyii tiikalei tei Inii meihang dato shiitakle;

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

MARK 13:34

Teiteinii mei hangninanii mpouki toisii sazyii kaki hangninii ki mbui katu, mpouki kaleimei hang go mpou mpoumah tha tiitang karam nsang nsangtei pyii kalei; sateichii ki takam kakoipii godo tiikadalo sii kakhat kapyiipii takumle.

MATIMANGOU KAPYII 22:9

Nlenii Ahnii gudakii tamle, “Nangnii teitei tiilak tang karamle! Inii n-go go kang- sanamei lungkakalingmei hang go ninado larek aimah samkang hang go swisii kaleimei hang go njoi katu kikaleimei hangniniile, Saraago matalo.”

MATIMANGOU KAPYII 2:12

“Pergamam Charshmah rangii dakii ryiilo! Mwi mwina kapung mwi kabi saryiikhang kalei Ah teinii sam hang ai tam leile.

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 1:20

Gubah ajiilamto nangnii ngou kalu sageiti sana ninado sona mah thaomi kadungpii sanamah kamakum sam teinii: Sageiti sana teinii Charsh sanamah sating gamlui hang teile, sateichii thaomi kadungpii sana teinii charsh sana teile.

TIILAMLWI KAPYIIMEI THA JUKAMATI 1:20

Kadaponii tam kamatoi lhii- bung kikii aitiisii ryiibamle, ‘Mpouki tei marong matulo; meikaniido teiki tei lungsu matulo;’ sateichii ‘mei kakimeinii mpou tung tha tei tiimatulo.’

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

GALATIMEI 3:26

Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

IPISAMEI 6:24

Nyii Bangpii Jisu Krista go kalui tiikasu lungkasyii teipii lungsyiisii kaleimei hang go Saraamah jumage kapyii tei kaswipyii matulo.

PILIPIMEI 2:5

Krista Jisu dato kalei lungswi tei gonyii datodo leimatulo.

PILIPIMEI 2:19

Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

PILIPIMEI 3:12

Aitoinii Inii doutakle mak-kii bimatui takle katumah makle, nlenii Krista Jisunii n-gu mpou dakii jum- kai kapyiimah alangh tei doutang karam jangpii Inii mahungsii tiileile.

PHILIMON 1:1

Krista jangpiinii kabang kilungto kalei Pol ninado nyii kangsanapii Timothi dato– Nyii kangpii ninado nyiigo njoisii tha tiikalei Philemon.