PHILIMON 1:10 - KARANU KABI SAMTAM

¹⁰ Inii kabang kilungto lungkalu gunah sapfii mpou Onesimas mah kaang kito Inii n-go khangleile.

PHILIMON 1:10 Referans Kwoze

KOLOSIMEI 4:9

Gonyii kak kito mei hangninii tiisii kalei, malum kabui ninado lungkasyii sanapii Onesimas go kaswisii mpougo lang magong leile. Ai kito pat kalei mahlyiihang mah nha hangtei ahnyiinii gonyii dakii tampyii tangle.

1 KORENMEI 4:15

Kadapokii gonyiimah Kristen tiilung kito gonyiigo majang kapyiimei tang kearii lei kido, gonyiinii Pfii hangkii bam makle; kadaponii Jisu Krista lamto kabi rasam paikito Inii gonyii Pfii tiiwo takle.

1 TIMOTHI 1:2

Kamalum kito Gunah sapfii mpou Timothi dakii: Pfii Saraa ninado nyii Bangpii Jisu Kristanii jumage kapyii ninado kamajung tei pyii matulo.

GALATIMEI 4:19

Lungkasyii gunahmei! Gonyii lungto Krista mah jaitalui tei tiimakhii kasuta pwinii nah kamanaa- ki kamage kalei takumpii Inii gonyii jangpii Kamagesii bamle.

TAITAS 1:4

Kamalum njoi katu kito kasang gunah sapfii mpou Taitas dakii: Pfii Saraa ninado nyiigo keikapyii Bangpii Krista Jisunii jumage kapyii ninado kamajung tei n-go pyii matulo.

MARK 9:17

Teito meimoi kak kito mei hangninanii mpougo khekalatle, “Madhiikapyiipii, sara kashyii kaswi kalei lat pat kasu gunah sapfii mpougo Inii goda pang gongleile.

ROMMEI 12:1

Teijangpiinii, he kangsanamei, gonyiinii gonyii pum hang go karing, kamatei sateichii Saraago tiikaranga kakarat pot hangninii takumpii pyiitoi matu tang karam jangpii, Inii Saraa mah lungset kati mah paito gonyiigo khang leile; ai ai gonyii mah rangii mah kamata teile,

1 KORENMEI 4:14

Inii gonyiigo tii-nrou tang karam jangpii ai ai ryiimakle, nlenii Inii lungkasyii gunah meigo takumpii gonyiigo tam rali tang karam jangpiiniile.

PHILIMON 1:11

Tinglang hangninii kinii mpou ai gojangpiinii samah kado kabi tei gasii leile, nlenii aitoinii gojangpii- niido, gujangpiiniido kabi tei tiitakle.

PHILIMON 1:13

Mpounii gotung tiisii kabi rasam mah kaang kito bangkabam tinglang kak gumah nga nga matutang karam jangpii n-gu kaswisii mpougo kaibam nyiile.

3 JON 1:4

Gunahmeinii kasang kito tat leile katu shii katu aidoito Inii kisii ka-nta tei gale.