PHILIMON 1:1 - KARANU KABI SAMTAM

¹ Krista jangpiinii kabang kilungto kalei Pol ninado nyii kangsanapii Timothi dato– Nyii kangpii ninado nyiigo njoisii tha tiikalei Philemon.

PHILIMON 1:1 Referans Kwoze

IPISAMEI 3:1

Ai kaang jangpiinii, gonyii luikakimei hang jangpii Krista Jisumah kabang kito kaleimei hangninii tiisii kalei, Pol, Inii, Saraa dakii riitale,

PHILIMON 1:9

Nlenii aitungpii Inii n-go lungkasyii jangpii aikakum mei tiisii kalei tingkalei ninado Krista Jisu- mah kaang kito aitoi bangkabam mei hangninii tiisii kalei Pol Inii khangleile.

KOLOSIMEI 1:1

Saraanii kamaning kamarei kito Krista Jisumah tiilamlwi kapyiimei hangninii tiisii kalei, Pol ninado nyii sanapii Timothi dato.

PILIPIMEI 2:25

Nlenii Inii nyii kangsanapiigo kaswisii tha tii njoisii kalei ninado kaswisii saryii tiisii kalei, sateichii gonyii dakii sampao kapungmei tiisii kalei ninado tiikaha kamarei gumah tha katii kito nga ngakapyii, Ipapro- ditas go gonyii dakii lang magongsu shyii taklesii maningle;

1 KORENMEI 3:9

Kadapokii nyiinii njoisii Saraa mah tha katiimeile; gonyiinii Saraa mah lubam, ninado Saraa mah ki teidole.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

KOLOSIMEI 4:11

Justas siido lat kalei Joshuwaniido gonyiigo salam pyii leile. Jehudimei kamalum mei kak kito Saraamah sating sazyii jangpii n-gu kaswisii tha katii tei aimai hangtum ai roile, ahnyiinii n-gu hangkapii tiihale.

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

PHILIMON 1:24

Sateichii n-gu njoisii tiikaleimei, Mark Aristarkas, Demas ninado Luk ahnyiiniido Salam pyiileile.

2 THESOLONIKAMEI 1:1

Pol, Sailas ninado Timothi dato nyii Pfii Saraa ninado Jisu Krista dato kalei Thesolonika kito kalei charsh dakii:

IPISAMEI 6:20

Aitoi Inii kabang kito leisii leikado, kabi rasam aijangpii Inii sam kapungmei hangninii tiisii leile. Inii tam tang karam takum- piinii Inii lung disii tam wokabui jangpii riita khangpyiilo.

TIILAMLWI KAPYIIMEI THA JUKAMATI 16:1

Sateichii mpounii Derbe ninado Laistra kido gongtakle, satei- chii julo, kamalum Jehudimei pwi hangninii nah sapfiimei zei Timothi sii kalat boumei hangninii teiki tei leile; mpou pfiinii Grikmeile.

GALATIMEI 3:26

Kadapokii gonyiihangnii kama- lum paito Krista Jisugo gonyiinii njasii hangninii tiikalu kito Saraamah Nah meihang takle.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PHILIMON 1:23

Krista Jisu jangpii n-gu kaswi- sii bangkabam Ipaprosnii gonyiigo salam pyiileile;