METIU 9:8 - KARANU KABI SAMTAM

⁸ Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

METIU 9:8 Referans Kwoze

LUKNII KARYII KABI RASAM JUKAMATI 7:16

Teito ahnyii hang teinii kahingpii tokryiisii Saraa go toile; “Lungkakalingmei hangninii nyiikak ki gongpyii takle; sateichii Saraanii mpoumeigo kaleipyii tang karam jangpii gongpyii takle,” sii ahnyiinii tamle.

METIU 15:31

Teipiinii lat kaga meinii lat pat kalu, pi katwimeinii tat kalu, mik kachet meinii ngou kalu ai ngou wosii meihangnii sung gasii Isrelmei mah Saraa go tam matoile.

TIILAMLWI KAPYIIMEI THA JUKAMATI 4:21

Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile.

LUKNII KARYII KABI RASAM JUKAMATI 23:47

Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”

LUKNII KARYII KABI RASAM JUKAMATI 17:15

Sateichii ahnyii kak kito mei hangninanii mpou gamtei biwo takle katu tei ngouwo sek-kii, mpounii nlaigong rok sagoisii Saraago toile.

MARK 2:12

Teisek-kii mpounii gungkhii takle sateichii azyii poi matu takle ninado meihang doito tatpat takle. Ahnyiihangtei khiipat takle ninado Saraago aitiisii tam matoile, “Ai takumpii nyiinii mahdou kado ngousang ngoumakle!”

GALATIMEI 1:24

Sateichii ahnyiinii gu jangpii Saraago tam matoile.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

LUKNII KARYII KABI RASAM JUKAMATI 13:13

Sateichii mpounii mpoupei phyiiryiikii mpou bah poi- kai pyii sek-kii, tei tinglang sek-kii mpoupeinii ntaa majyiitok wotakle, teito mpoupeinii Saraago toile.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 21:20

Sateichii ahnyiinii tei tei shii wosek-kii, Saraago tam matoile. Sateichii ahnyiinii mpou dakii tamle, “Kangsanapii Pol, nangnii ngoule, Jehudimei kak kito malum kalumei thang kadazii leipo? Sateichii ahnyii- hangnii ajai tingshang gotei kada- ziikapii lungliitpo?

MARK 7:37

Sateichii shiikalumei hangteinii hangkapii sung gatakle, “Mpounii mah hangtei tii tii-mbipyiile sii ah- nyiinii tamle, mpounii khoi kapang meigodo shii matule ninado lat kagamei godo lat pat matule.”

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 12:23

Teito meihang teinii sung gasii tamle, “Ai ai Devit nah sapfii mpou teichii makde?”

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

METIU 9:7

Sateichii mpounii gungtusii kilam tat tutakle.

LUKNII KARYII KABI RASAM JUKAMATI 2:20

Jao kakoimei teinii lhii tiisii Saraa go tam matoisii kilampang nlaitu takle, dapochiinii sating gamluinii ahnyiigo tam kapyii takumpii ahnyiinii shiitakle sateichii ngoutakle.

LUKNII KARYII KABI RASAM JUKAMATI 17:18

Kaki lui aipou supiinii nlaigong Saraago tam matoi tang karam dousu takpo?”

LUKNII KARYII KABI RASAM JUKAMATI 18:43

Sateichii binasek-kii mpounii mik ngouwo takle, sateichii Saraa mah pumtei kava tei tamsii Jisutai swiwo takle; sateichii meihangnii ai ngou wosii Saraago tam matoile.

2 KORENMEI 9:13

Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.