METIU 9:13 - KARANU KABI SAMTAM

¹³ ‘Inii lungset kati go mareile, sateichii kakarat go marei makle’ katu ai kadapei gopo katu gonyiinii maa-rali wolo, kadapokii Inii kasang kamajyiimeigo lat tang karam jangpii gongmakle, nlenii kem katiimei jangpiile.”

METIU 9:13 Referans Kwoze

MARK 2:17

Teisek-kii Jisunii ahnyii dakii tamle, “Ara kagamei teinii peimhii- meigo fiimakle, nlenii ara kanimei teinii peimhiimeigo fiile. Inii kasang kamajyiimei jangpii gong makle, nlenii kem kama mei jangpii gongle.”

LUKNII KARYII KABI RASAM JUKAMATI 19:10

Kadapochiinii meinah sapfii mpou teinii maga kalei gotei fiitang karam jangpii gongle.”

LUKNII KARYII KABI RASAM JUKAMATI 5:32

Inii kasang kama- jyiimei jangpii gong makle, nlenii kem kama katiimei jangpii gongle, ahnyiinii lung kali matu tang karam jangpii.”

METIU 12:7

‘Sateichii Inii lungsyii kati gotei mareile, kakarat gotei marei makle’ katu ai kadapeigo tam leipo katu gonyiinii tileponii, kama kagameigo malesii tam mashyii lakle.

2 PITAR 3:9

Mei kangkanii kamanyiisii maning kalei takumpii, mpounii tiitanglesii riishii tiikabam tei tiitang karam jangpii Bangpiinii manyii makle, nlenii mpounii gonyii jangpii lung lehpyiile, mpounii mei kagodo tiimaganyii makle, nlenii meihangnii lung kaligong katu mareile.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

METIU 3:2

“Lungkali wolo, daponii sating gam sazyii tei natakle.”

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

METIU 3:8

Gonyiinii lungkali kalu mah riiti tei matilo,

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

METIU 21:42

Jisunii ahnyii dakii tamle, “Ki katiimeinii rat toi kalei kuitu tei sekteinii hang kak kito phyiikasat tei tiiwo takle; ‘Ai ai abangpiinii tiikalu teile; ai ai nyiimah mik kitonii kama- datle, sii, kabi rasam kito katam ai gonyiinii fiisang fiimakde?’

METIU 12:3

Teito mpounii ahnyii dakii tamle, “Devit ninado mpougo kaswi kalei mei hangteinii moi kamazyii tinglang kak kadapei tiipo?

MARK 12:26

Sateichii kataimeinii ringkakhii mah kaang kito, Moses mah larek kikii ryii kabam, rangum kito mi kashong mah njai tei gonyiinii fiisang fiimakde? Teiki teito aitiisii ryiibamle, katunii, Saraanii Moses go tamle, ‘Inii Abraham, Isak ninado Jakob mah Saraale.’

JONNII KARYII KABI RASAM JUKAMATI 10:34

Jisunii ahnyiigo khekalatle, “Gonyiimah ajaitingshang kiteikii, Inii tam takle, ‘Gonyii sara hangle,’ sii ryiibam makpo?

METIU 19:4

Mpounii khekalatle, “Saroisekto tiikapyiipiinii meinahgo sapfiimei ninado sapwimei tiipyiile,

METIU 12:5

Mak-kii bam ntak piinei leimik Atingmei teinii Saraa kamaning ki lungto ntak piinei leimik gotei tiipak aikido kama gale katu ai gonyii ajaitingshang kiteito fiimakde?

LUKNII KARYII KABI RASAM JUKAMATI 10:26

Jisunii mpougo khekalatle, “Ajaitingshang mah larekbung kikii kadapei ryiibampo? kada takumpii fiileipo?”

MARK 12:33

sateichii lung matum madumpii, lung-swi matum madumpii, rangii matum madumpii ninado teimaham matum madumpii haisii Saraago lungkasyii, sateichii ki tiinaniipameigo mpounii mpou roinapii mpougo lungkasyii takumpii lungkasyii ainii Saraa dakii kouring mi-rusii pyiikatoi ninado kakarat hang sung kile.

LUKNII KARYII KABI RASAM JUKAMATI 5:31

Teito Jisunii ahnyiigo kheka- latle, “Ara kagamei teinii peimhii meigo fiilei makle, nlenii ara kanimei teinii fiile.