METIU 7:22 - KARANU KABI SAMTAM

²² Teipiinei leimik mei hangkanii gudakii tam tangle, Bangpii, Bangpii, nyiinii gozei kito Saraa sam saa mpat makde, go zei kito sara kashyii go baatoi makde, sateichii go zei kito mei tiikalak sung kaga tha hangkii tiimakde?

METIU 7:22 Referans Kwoze

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

JONNII KARYII KABI RASAM JUKAMATI 11:51

Nlenii sam ai mpounii mpou dato kapatpii tam makle, nlenii Jisunii luihang jangpii taitang karamle,

1 THESOLONIKAMEI 5:4

Nlenii kangsanamei, teipiinei karagamei takumpii gonyiigo tii asung gamatu tang karam jangpii, gonyiinii kamyii kito bam makle.

LUKNII KARYII KABI RASAM JUKAMATI 10:12

Inii gonyii dakii tam leile, samtak katii piinei teimah namdi gotei sung Sodom namgo Saraanii kisii lungsyiipyii tangle.

METIU 25:11

Tei-taito ralhiimeinah kakimei hangteido gongsii tamle, ‘Bangpii, Bangpii, nyiigo takam laat seilo.’

METIU 24:36

“Nlenii teimah leimik ninado tinglang teinii Pfii teisupiinii, sating gamluinado, meinah sapfii mpou teiniido meikaniido timakle.

METIU 7:21

“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

2 TIMOTHI 1:18

Teipiinei leimik mpounii Bangpii dato lungsyii kati tei dou wokabui tiisii Bangpiinii mpougo pyii matulo, sateichii mpounii Ipisas kito kadaziikapii moisii n-gu nga ngakapyii tei nangnii tiigatpii tile.

METIU 10:15

Inii gonyii dakii kasangpii tam leile, samtak katii piinei namdi teigo teisungnii Sodom ninado Gomara go Saraanii kisii lungkasyii tei mangou tangle.