METIU 7:21 - KARANU KABI SAMTAM

²¹ “N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

METIU 7:21 Referans Kwoze

ROMMEI 2:13

Kadaponii ajai- tingshang gotei shii kalumei teinii Saraa doito kasang kamajyii tei makle, nlenii ajaitingsang taiswisii atha katiimei gotei tiimajyii pyiitangle.

LUKNII KARYII KABI RASAM JUKAMATI 6:46

“Inii gonyiigo katam tei tiisupiinii kadajangpii gonyiinii n-gu Bangpii, Bangpii sii lat leipo?

JEMS 1:22

Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.

LUKNII KARYII KABI RASAM JUKAMATI 11:28

Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”

TAITAS 1:16

Ahnyiinii Saraago tilesii tam mpatle, nlenii ahnyiimah tha teinii mpougo mazhiimakle, ahnyiinii ka- ngouroule, katam swimakle, sateichii tha hangninii jangpiiniido kabi tei gale.

HEBRUMEI 4:6

Teijangpii mei kangkanii ka-ntak kitei liit tang karam lei katu taiswisii, sateichii kareiki kabi rasam tam ralikapyii shii kalumei teinii katam swikasu jangpii liit kasu taiswisii,

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

MATIMANGOU KAPYII 3:5

Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

METIU 12:50

Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

METIU 18:3

Inii gonyii dakii kasangpii tam leile, “Gonyiinii tiikalisii nahmei ka- chengmei takum kasutanii, gonyiinii sating gam sazyii kitei liitsang liit lakle.

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

MARK 3:35

Dapokii Sa- raanii kamaning kamazhii tiisii kalei meihang tei gusanameile ninado gutaipwi meile ninado gu pwile.”

1 THESOLONIKAMEI 5:18

tinglang hang kito hakalang tei tamlo, kadapokii ai ai gonyii jangpii Krista Jisu dato Saraamah kamaning kamarei teile.

IPISAMEI 6:6

Meimah dzyii kabi katiimei takumpiinii mik kangoumah nga kanga tei tiisupiinii, Kristamah kikaleimei takumpii lungto Saraamah kamaning tei tiipyiilo.

1 PITAR 2:15

Kadapokii kasang kabi katii teipii kapang kamangmei mah tikasu ngoukasu tei malhiisupiinii leimatu katu tei Saraamah kama- ning kamazhii teile.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

LUKNII KARYII KABI RASAM JUKAMATI 13:25

Ki Apumpiinii gungtusii ki tei takam sekchii, gonyiinii ki kajangto satsanii ki takam kakhiisii aitiisii tam tangle, ‘Bangpii nyiigo takam laatpyiilo.’ Sateichii mpounii gonyiigo khekalat tangle, ‘kada kito gong leipo Inii gonyiigo timakle.’

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

LUKNII KARYII KABI RASAM JUKAMATI 18:25

Kadapochiinii mah kanimei hangninanii Saraa mah Sating Sazyiiki liit tang karam sungnii poutungki kounah hangninanii mahum mi kachet lung kito joupat kalu niipou mala buile.”

MARK 9:47

Sateichii gomik hangninanii n-go kem tiimatusii lei lepochiinii, go-mik tei lat toi ailo; gomik hangna pungsii mibam kikii toikai kalei sungnii mik-lipii Saraa mah sating sazyii bamki liit kalu teinii gojangpii bibwile.

METIU 19:24

Nlailoisii Inii gonyii dakii tam leile, mah kanimei hangninanii sating gam sazyiiki liit tang karam sungnii poutungki kounah hangninanii mahum-mi kito joupat katu teinii malabwile.”

METIU 18:35

“Gonyiinii gonyii sanapiigo gonyii lung kito kaleipyii suleponii, sating gamto kalei gu pfiiniido gonyii dakii tei tiitangle.”

JONNII KARYII KABI RASAM JUKAMATI 15:23

N-gu ngoukarou meihang teinii gu Pfii godo ngouroule.

METIU 26:42

Nlailoisii hangna kashang tiisii mpounii tatpatsii riita takle “Gu pfii, peek ai Inii sak kasuta gudato ma- jutu wolak leponii, gomah kamaning kamazhii tei tiimatulo.”

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

MATIMANGOU KAPYII 2:27

sateichii rangrhiili karakimeinii pakchet chet kalei takumpii, Iniido gu pfii dato doukalu takumpii, ahnii ahnyiigo sagyiimah tingrangpii apum tiitangle;

JONNII KARYII KABI RASAM JUKAMATI 14:7

Gonyiinii n-gu titakleponii, gonyiinii gu Pfii godo titang takle, aitoisekpii gonyiinii mpougo titakle ninado ngoutakle.”

JONNII KARYII KABI RASAM JUKAMATI 5:17

Nlenii Jisunii ahnyii dakii khekalatle, “Gu pfiinii aitoi katangdo tha tiileile, Iniido tiileile.”

METIU 26:39

Sateichii mpounii adoilam pang chengniikii tatpatsii mpounii sazyii- kii mpou-ju poi masuksii riitale. “Gu Pfii, mazhii leponii peek ai gudato poitoi seilo; teitii kido gumah kamaning kamazhii tei sulo, nlenii nangnii kamaning kamazhii teilo.”

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

METIU 18:19

“Nlailoisii Inii gonyii dakii tam leile: Sazyii pouryiito gonyii kak kito mei hangnanii mah kata hangninii khang tang karam teimah kaang kito lungswi nja woleponii, sating gamto kalei gu pfiinii ahnyiigo teitei tiipyii tangle.

METIU 25:10

Sateichii ahnyiinii maa lyii katu tinglang kak nou tiitang karam sapfii mpou tei gong takle. Sateichii tiida kalu mangii teinii mpougo kaswisii myii kapang takbai kitei liit wotakle, sateichii kitei takam takle.